HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Նարեկ Ալեքսանյան

«Նարեկացի» արվեստների փառատոնը (լուսանկարներ)

Հայ ժամանակակից արվեստագետները, հատկապես այն ազատ արվեստագետները, ովքեր իրենցով և իրենց ստեղծագործությամբ դրսում ճանաչելի են դարձնում հայ հնագույն և ժամանակակից մշակույթը, ցավոք, հաճախ անծանոթ են հայաստանցի հանդիսատեսին, նրանց մասին գիտեն արվեստասերների նեղ շրջանակում միայն:

«Նարեկացի» արվեստի միությունը, փորձելով լրացնել այդ բացը, կազմակերպել է «Նարեկացի» արվեստների փառատոնը, որի հիմնական նպատակը, ըստ կազմակերպիչների, հայ բարձրարժեք մշակույթը հայերին, ինչպես նաև Հայաստան ժամանած արտասահմանցիներին ներկայացնելն է:

Փառատոնն ընգրկում է հայ աշուղական, ժողովրդական, ազգային, ավանդական երգն ու պարը, հոգևոր, դասական, ժամանակակից հեղինակային և ջազային երաժշտությունը, ինչպես նաև մատուցում է հայ կերպարվեստի տաղանդավոր ներկայացուցիչների աշխատանքները:

Ցուցադրությունը բաց է մինչև փառատոնի ավարտը՝ հունիսի 22-ը, ամեն օր՝ ժամը 18:00-ից 19:00-ն՝ մինչև համերգների սկիզբը: Համերգի տոմսեր կարելի է ձեռք բերել Կամերային երաժշտության տան տոմսարկղից: Արժեքը 1000-3000 դրամ է:

Այս ֆոտոշարքում ներկայացված է փառատոնի համերգային 5-րդ օրը: Ջազային ծրագրով այդ օրը հանդիսատեսին ներկայացան հայ ժամանակակից ջազ երաժիշտ և դաշնակահար, կոմպոզիտոր, երգիչ Վահագն Հայրապետյանը և սաքսոֆոնահար, ֆլեյտահար, կոմպոզիտոր, գործիքավորող Արմեն Հյուսնունցը:

Հունիսի 21-ին իր «Կոմիտաս. տասը հայտնություն» շարքով հանդես կգա Վահան Արծրունին: Վաղը՝ փառատոնի փակման օրը, կներկայանան «Կարին» անանդական երգի-պարի խումբը՝ Գագիկ Գինոսյանի ղեկավարությամբ և «Նարեկացի» ժող. նվագարանների համույթը՝ Հովիկ Սահակյանի ղեկավարությամբ: Հանդիսատեսը հնարավորություն կստանա հենց տեղում սովորել հայկական ավանդական պարի որոշ շարժումներ:

Կազմակերպիչների խոսքով՝ փառատոնի կարևոր նպատակներից է նաև հայաստանյան մշակութային դաշտում առկա վարչական, իրավաբանական ու նյութական բնույթի բոլոր այն խոչընդոտները հաղթահարելը, որոնք պատնեշներ են ստեղծում արվեստագետների ազատ դրսևորվելու համար:


Մեկնաբանություններ (1)

arsen
BRAVO HARTUNYANERIN ESKAN NVERVAC EN HAYRENIKIN.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter