HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սոնա Ավագյան

2014-ին կկատարվի Սեդվու միջնադարյան վանքի տեխնիկական վիճակի դիտանցում (լուսանկար)

2014 թվականին Մշակույթի նախարարությունը նախատեսվում է իրականացնել Լոռու մարզի Սեդվու վանքի (Սբ. Նշան եկեղեցի) տեխնիկական վիճակի դիտանցում՝ հուշարձանն ամրակայման և վերականգնման ցանկում ընդգրկելու նպատակով: Այս մասին «Հետքին» հայտնեցին Մշակույթի նախարարության աշխատակազմի Պատմության և մշակույթի հուշարձանների պահպանության գործակալությունից:

Սեդվու վանքը պետական սեփականություն է: Պատմության և մշակույթի հուշարձանների պահպանության գործակալության տեղեկացմամբ՝ հուշարձանի պահպանությունն իրականացնում է նախարարության ենթակայության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը, որի աշխատակիցները պարբերաբար կատարում են շրջայցեր ու պահպանվածության վիճակի դիտանցում:


Սեդվու վանքը գտնվում է Կաճաճկուտ գյուղից 3 կմ հարավում՝ Սեդվու ձորում: Հուշարձանը կառուցվել է 13-րդ դարում:

Եկեղեցու հյուսիսային պատին կից հետագայում կառուցվել է մատուռ, որի միակ մուտքը բացվում է դեպի եկեղեցի:

Եկեղեցու մոտ կան հին ու ժամանակակից տապանաքարեր:


Սեդվու վանքի որոշ քարեր փլվում են:

Հուշարձանի վրա առատ խոտեր ու թփեր են աճում:


Վանքի ներսը ևս անխնամ է:



Եկեղեցում ու կից մատուռում այցելուները մոմերը վառել են ուր պատահի՝ կեղտոտելով հուշարձանի պատերը:



Եկեղեցու ներսում կան աղբ ու կենդանիների՝ հուշարձան մտնելու հետքեր:

Աղբ է թափված նաև եկեղեցու անմիջական հարևանությամբ՝ մեկանգամյա օգտագործման ափսեներ, բաժակներ, շշեր, տոպրակներ: Այս միջնադարյան հուշարձանի մոտ ևս խորոված պատրաստելու հարմարանք կա:

Մեր այցելության պահին Սեդվու վանքի մոտ տաղավար էին կառուցում:


Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter