HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արարատ Դավթյան

Ինքնասպանության փորձից՝ երիկամի վաճառք

Արմենը 46 տարեկան է, նրա աջ աչքը փոքր տարիքում հարվածից վնասվել է, և այն հեռացրել են, իսկ անցյալ տարի նա զրկվել է աջ երիկամից:

«ԱԺ պատգամավոր Վրեժ Մարկոսյանի բարեկամին՝ Վրեժ Փարվանյանին եմ երիկամս վաճառել: Գերմանիայում 2 ամիս պատգամավորի քրոջ՝ Դունյա Մարկոսյանի տանն եմ ապրել, նա էլ էր խոստումներ տալիս, ասում էր՝ փեսաս Մոսկվայում ա, կօգնի, Ռուսաստանի տունդ կծախես: Փեսան էլ՝ աղջկա ամուսինը, «Skype»-ով ասում էր՝ պրոբլեմ չկա, կանենք»,- պատմում է Արմենը և շեշտում, որ երիկամը տալուց հետո բոլորը շռայլ խոստումների մասին մոռացել են:

ԱԺ ՀՀԿ-ական պատգամավոր, «Տիգրան Մեծ» տպարանի սեփականատեր Վրեժ Մարկոսյանը «Հետքի» հետ զրույցում հաստատեց, որ Դունյան իր հարազատ քույրն է, ապրում է Գերմանիայում, իսկ թե ո՞վ է վերջինիս տանը հյուրընկալվել, տեղյակ չէ. «Չեմ ուզում, որ քրոջս անհանգստացնեք, հիմա նա Մոսկվա է գնացել, ինչո՞ւ պետք է օգնեմ, որ հետը կապվեք: Քույրս ի՞նչ կապ ունի, անհնար է, որ նա խոստումներ տար, էդ մարդը ձրի՞ է արել էդ բանը»:

Ասում է, որ գումարի մի մասը՝ 10 հազար դոլարը, չեն տվել:  

Սուտ է ասում:

Ամբողջ գումարը տվե՞լ են:

Չգիտեմ: Բայց գիտեմ, որ նման բան չի լինի: Հնարավոր չէ, բացառվում է:

Պատգամավոր Մարկոսյանը հավելում է, որ Վրեժ Փարվանյանն իր մոր հորեղբոր տղայի թոռն է. «Գիտեմ, որ նա երիկամի խնդիր ունի՝ դիալեզի տակ էր: Լսել էի, որ Գերմանիայում իրեն պետք է պատվաստում անեին: Վիրահատե՞լ են, թե՞ ոչ, չգիտեմ, երիկամի վաճառքի մասին չեմ լսել»:

Արմենը ՌԴ քաղաքացի է, 1985-2002թթ. ապրել է Ռուսաստանում: Վերադառնալով Հայաստան՝ հայրենի գյուղում զբաղվել է հողագործությամբ: Նա 3 երեխա ունի, երկուսն արդեն չափահաս են:

«Մենք Կազանում տուն ենք կառուցել, բայց մայրս իրեն է վերցրել,- ասում է Նատաշան՝ Արմենի՝ ազգությամբ ռուս կինը,- մեծ պրոբլեմ մորս պատճառով: Ամուսինս Գերմանիա գնաց մեր բուժման ծախսերի համար, որ երեխաներին լավ լինի, և տան հարցը լուծի: Կազանի տան փաստաթղթերի պատճեններն էլ էր հետը վերցրել, ասում էր՝ նրանք խոստացել են օգնել, որ տունը վաճառենք»:

Արմենն ավելացնում է՝ տան արժեքը 400-500 հազար դոլար է: Ինքը մոտ 2 տարի առաջ մեկնել է Կազան, դիմել դատախազություն, սակայն խորհուրդ են տվել հայցով մտնել դատարան:

«Իրավաբան վարձելու, փաստաթղթեր ստանալու և գրանցելու խնդիրներ կան՝ մոտ 7000 դոլարի ծախս: Կինս ու երեխաս առողջական խնդիրներ ունեն, աղջկաս համար սկզբում շատ ծանր ախտորոշում էին տվել, հետո իմացանք, որ սխալ է. վիճակն այդքան էլ վատ չէ,- շարունակում է Արմենը,- Կազանից եկա Մոսկվա ու գործ էի ման գալիս, հիվանդանոցներում էլ հարցնում էի երիկամի մոմենտով, թե ոնց կարող եմ ծախել: Մի քանի օր հետո կանալները գտա, բայց դե մարդ էր պետք, ծանոթ էր պետք… Արդեն ներվային վիճակ էր, զանգում էի՝ տունը ուտելու բան չկար, աղջկաս հիվանդանոցի մոմենտներն էր… Գնացի, որ ինձ մոստից գցեմ, բայց միլիցեքը կալմեջ արեցին ու տարան գժանոց: Մեկ շաբաթ հոգեբուժարանում են պահել, հետո կնոջս հետ խոսեցին, ես էլ համոզեցի, թողեցին, հետ եկա տուն»:

Որոշ ժամանակ անց Արմենը կրկին հանգել է երիկամը վաճառելու մտքին: Ասում է, որ համացանցից գլուխ չի հանում, պարզապես մտել է Երևանի ինտերնետ ակումբներից մեկը, մի աղջկա 1000 դրամ է տվել, ասել իր հեռախոսահամարը և խնդրել երիկամի վաճառքի մասին հայտարարություն տարածել: Սակայն պոտենցիալ գնորդները զանգահարել են անձամբ իր՝ «Արաբկիր» բժշկական կենտրոնի պատին փակցրած հայտարարության հիման վրա:

«Զանգողներ շատ կային. Մոսկվայից մի քանի հոգի զանգեցին, Ապարանից Էդգար Փարվանյանը զանգեց, ու առաջին անգամ հանդիպեցինք հենց Բաբլոյանի հիվանդանոցի մոտ («Արաբկիր» բ/կ): Հետո արդեն նրա եղբոր՝ Հայկազ Փարվանյանի հետ եմ բոլոր հարցերի շուրջ պայմանավորվել,- հիշում է Արմենը,- նրանց հոր՝ Վրեժ Փարվանյանի համար էր երիկամ պետք: Սկզբում 35 հազար դոլար ուզեցի, բա՝ ախպեր ջան, հասկանում ենք, որ երիկամը թանկ ա, բայց էդքան գումար չունենք, արի վիռուչատ արա, մինչև կյանքի վերջ ախպերություն կանենք, գումարներով միշտ կօգնենք քեզ: Կազանի տան համար էլ էի ասել, խոստացան, որ էլի կօգնեն»:

Արմենի խոսքով՝ իրեն ինչ-որ բժշկական կենտրոն են տարել, որտեղ անալիզներ է հանձնել, և պատասխաններն ուղարկվել են Գերմանիա. «Բայց մի 2 ամիս ձգձգվեց: Ասացի՝ Հայկազ ջան, Մոսկվայից զանգում, 40-50 հազար դոլար էին առաջարկում, բա՝ մենակ թե մի գնա, ընդեղ քեզ կխաբեն, կսպանեն, չգիտեմ ինչ օյիններ կանեն, իսկ մենք քեզ քիչ կտանք՝ 28-30 հազար դոլար, բայց զատո նադյոժնի ա: Ընենց մարդկանց անուններ էր տալիս՝ պատգամավոր Վրեժ Մարկոսյանը, բռնցքամարտիկ Արթուր Աբրահամ, Դավիթ Գրաֆ, ասում էր՝ մեր ախպերությունն ա: Ես էլ սաղ կյանքս այ սենց միամիտ միշտ էլ քաշվում եմ, որ մարդկանց վստահում եմ... Վերջը անալիզների համար Գերմանիայից հաստատեցին, որ ամեն ինչ նորմալ է»:

Արմենը շեշտում է, որ Հայկազ Փարվանյանին նախապես զգուշացրել է իր նյարդային  ապրումների մասին և հարցրել՝ գուցե հոգեկանի հետ կապված Գերմանիայում հրաժարվե՞ն վիրահատությունից. «Ասում ա՝ ախպեր, պրոբլեմ չկա, քեզ ինչ ա եղել, որ հոգեկանդ խանգարված լինի, ընդեղ էդ ձևի ոչ մի բան էլ չեն ստուգում, էնքան որ վիրահատեն»:

Հայաստանում Գերմանիայի Դաշնային Հանրապետության դեսպանությունը 2012թ. ապրիլին Արմենին Շենգեն վիզա է տվել, որն ուժի մեջ էր նույն ամսվա 19-ից մինչև հուլիսի 17-ը: Արմենը պատմում է, որ Գերմանիայի հիվանդանոցից Վրեժ Փարվանյանի հիվանդության վերաբերյալ փաստաթղթեր են ուղարկել դեսպանատուն. «Բայց դեսպանատանը վաճառք չի կարելի գրել. գրած ա, որ երիկամս տալիս եմ իմ բարեկամին: Հարցրին՝ ծախսերը Փարվանյանների վրա՞ է, ասացի՝ հա: Հարցրին՝ քո հետագա բուժումներն ո՞վ պետք է անի, ասացի՝ սաղ իրենք են անելու: Չհարցրին էլ, թե ինձ ինչ բարեկամ են, վիզան տվեցին, գնացի»:

Գերմանական «Charite Campus Mitte» նեֆրոլոգիայի բժշկական կենտրոնի (տրանսպլանտոլոգիայի բաժին) տված եզրակացության համաձայն (ստորագրված կլինիկայի տնօրեն, պրոֆեսոր Կ. Միլլերի կողմից)՝ Արմենը կլինիկա է ընդունվել 2012թ. հունիսի 25-ին, դուրս գրվել հուլիսի 3-ին: Իսկ «հունիսի 27-ին լապարասկոպիկ միջամտությամբ, որպես դոնորական օրգան, վերցվել է նրա աջ երիկամը»:

«Ես վիրահատությունից առաջ պնդեցի և Գերմանիայում միակ աչքս ռենտգենով-բանով ստուգեցին: Լրիվ առողջ էր, ասացին՝ իդեալական ա, ու եթե հիմա այդ հիվանդանոցից պահանջեն, բոլոր թղթերը կուղարկեն: Սա կապացուցի, որ վիրահատության հետևանքով է աչքիս վիճակը վատացել, օրենքով աչքիս պատճառով ինձ չէր կարելի վիրահատել, բայց եթե արել են, պետք է այնպիսի դեղեր սրսկեին, որ տեսողությանս չվնասեր»,- ասում է Արմենը:

Նրա քույրը՝ Հասմիկը, հավելում է, որ հարազատները Գերմանիայից վերադառնալուց հետո են տեղեկացել, թե ինչ է կատարվել: Մինչ այդ Արմենի պայմանավորվածության մասին իմացել են միայն նրա կինը և որդին: Նատաշան էլ մանրամասնում է, որ մեկնելուց մոտ 1 ամիս առաջ է տեղեկացել, թե ամուսինն ինչու է գնում Գերմանիա: Այդ ընթացքում, Նատաշայի ասելով, ինչ-որ մեկն իրենց այցելել է, հետագայում պարզել է, որ եկվորը Հայկազ Փարվանյանն է. «Գերմանիայում նրանց հետ վիճել էր, որ չի վիրահատվելու, բայց, ամեն դեպքում, վիրահատվեց: Չգիտեմ: Մենք բոլորս ասում էինք՝ չանես այդ բանը, շատ կփոշմանես, հաշմանդամ կմնաս… »:

«Բժիշկները չեն համաձայնվել վիրահատել: Ինչքան որ ես եմ հասկացել, արդեն որ հասել են Գերմանիա, ստիպել են, որ ինքը վիրահատության գնա: Որովհետև Արմենը զանգել է տուն և ասել՝ կարող ա չվիրահատեն, չեն թողնում, որ երիկամիս պատճառով աչքս վնասվի»,- նշում է Հասմիկը: Նա անձամբ մեկ ամիս առաջ եղբորը տարել է Ս. Վ. Մալայանի անվան ակնաբուժական կենտրոն: Արմենի մոտ ախտորոշվել է «սկսող, բարդացած կատարակտա, ցածր աստիճանի կարճատեսություն»: Ակնաբույժները վիրահատությունը անհրաժեշտ են համարել, ինչը կարժենա 327 հազար դրամ:

«Ճիշտն ասած՝ շատ բորբոքված էի: Զանգեցի այդ մարդուն՝ Հայկազ Փարվանյանին: Սկզբում ասում էր՝ ես չեմ ճանաչում, սենց-նենց... Հետո ասում է՝ ինչու եք վախեցնում, ինչու եք շանտաժ անում, եթե պետք է օգնել, ասեք՝ օգնենք: Ասացի՝ դե, ուրեմն որոշեք, ինչքանով կարող եք օգնել ու զանգեք: Բայց ոչ էլ զանգեց»,- հիշում է Հասմիկը:

Արմենի ներկայացմամբ, մինչև մեկնելը Հայկազը մաս-մաս իրեն 2000 դոլար է տվել, այնուհետև՝ վիրահատությունից ժամեր առաջ, որդուն փոխանցել է 13 հազար դոլար: Երեք հազար եվրո էլ անձամբ Վրեժ Փարվանյանն է Գերմանիայում իրեն տվել, որպեսզի ոսկի որոնող սարք գնի:

«Ինձ Ժիրոն էր դիմավորել՝ մեր բաքսյորների մենեջերը: Սկզբում պայմանավորվել էինք, որ ինձ պետք է տանեին Մյունխեն՝ խանութից 5000 եվրոյով այդ սարքը գնելու: Հետո համ փողը քիչ տվեցին, համ էլ ինտերնետով անպետք սարք պատվիրեցին, որը ոսկու մասին ոչ թե 3 մետր, այլ ընդամենը 20 սմ խորության տվյալներ է հաղորդում»,- պատմում է Արմենը: Նա Ժիրոյի ազգանունը չգիտի, ասում է, որ որոշ դեպքերում հենց նա է բժիշկների հետ խոսել և թարգմանչի դեր կատարել: Գերմանիայում ապրող հայազգի բռնցքամարտիկ Դավիթ Գրաֆի (Վահագն Սահակյան) մենեջերը Ժիրայր Բասմաջյանն է: Պարզաբանումների ակնկալիքով «Հետքը» փորձում է նրա հետ կապ հաստատել, բայց առայժմ չի հաջողվում:

«Պայմանավորվել էինք նաև, որ վերադառնալուց հետո ինձ պետք է 10 հազար դոլար տային, որպեսզի 6 ամիս հետո նորից մեկնեի Գերմանիա՝ երիկամս հետազոտելու և բուժվելու: Սկզբում Հայկազն ասաց՝ 6 ամիս հետո կգաս, հետո ձգձգեց, ասում ա՝ սպասիր նայենք՝ պապայի վիճակը ոնց է լինում: Ասում եմ՝ պապայիդ վիճակն ինչ կապ ունի ինձ հետ, ստուգվել եմ, արդեն երիկամս տափակած ա, կրեատինին հասել ա 130, ես էլ ընկնե՞մ դիալեզի տակ,- Հայկազ Փարվանյանի հետ խոսակցությունն է վերհիշում Արմենը,- արդեն վերջում ասում ա՝ ի՞նչ ես արել որ, քեզ ինչքան հասանելի էր, տվել ենք, գնա քո փողերով բուժվիր: Բա քո հայրն ա, դե դու քո երիկամը տայիր, փրկեիր հորդ, թող քո բարեկամներից մեկն ու մեկը տար: 7 տարի էդ մարդը դիալեզ էր ստանում»:

Արմենը նշում է, որ «Charite Campus Mitte» կլինիկայում ուղղակի երիկամների առևտուր էր. «Ռուս էլ կար, թուրք էլ… Ռուսերեն խոսում էին, որ թուրքերը 80 հազար եվրոյով երիկամ են ուզում: Ճիշտն ասած՝ զգացի, որ վերջը սենց ա լինելու, ուզում էի փոխվեմ դրանց կողմը, բայց էլի ես իմ մարդկությունն արեցի, մտածեցի՝ ամոթ ա, խիղճս չտարավ»:

Հայկազ Փարվանյանը «Հետքի» հետ զրույցում նշեց, որ եթե ցանկություն ունենք «սուտ բաներ» գրելու, ինքը ոչնչով օգնել չի կարող: Երբ փորձեցինք հստակեցնել, թե ինչն է սուտ, նա զարմացավ, թե ինչ իրավունքով ենք իրեն հարցեր տալիս. «Եթե դուք ցանկություն ունեք իրավապահ մարմինների, ընդհանրապես օրենքի հետ գործ ունենալ, խնդրեմ, փորձեք, ձեր բախտը որոշեք»:

Արմենը կատարվածի մասին գլխավոր դատախազությունում դիմումներ է գրել: Դրանք հասցեագրվել են Աջափնյակ և Դավիթաշեն վարչական շրջանների դատախազին: Մեկ ամիս առաջ ավագ դատախազ Ա. Մայիլյանը Արմենին պատասխանել է. «Ձեր և քաղաքացի Հայկազ Փարվանյանի միջև բուժման ծախսերի կապակցությամբ վեճը կրում է քաղաքացիաիրավական բնույթ, որի համար Դուք իրավունք ունեք դիմել Հ. Փարվանյանի բնակության վայրի դատարան»:

«Հետքը» զրուցել է նաև տարբեր իրավաբանների հետ: Փաստաբան Հովիկ Արսենյանը նշում է, որ այսօրինակ դեպքերի պատճառով էլ մարդիկ հարցնում են՝ որտե՞ղ մնաց մեր Սահմանադրության 1-ին հոդվածը, ո՞ւր է այդ իրավական պետությունը. «Մեծ ցավ եմ ապրում, ուղղակի չեմ կարողանում պատկերացնել, որ դատախազությունը նման պատասխան է տվել»: Ըստ Արսենյանի՝ իրավապահները պետք է անհապաղ ձեռնարկեին մի շարք գործողություններ. «Պետք է նյութեր նախապատրաստվեին, գուցե առաջին հերթին նշանակվեր դատաբժշկական փորձաքննություն և պարզվեր՝ քաղաքացու երիկամն իսկապե՞ս հանված է, առողջական ինչպիսի հետևանքներ է դա առաջացրել… »:

Հովիկ Արսենյանը, ելնելով Արմենի պատմածներից, գտնում է, որ կատարվածը թրաֆիքինգ է: Ինքը՝ Արմենը, թրաֆիքինգի մասին երբևէ չի լսել: Նա ասում է, որ տեղի է ունեցել հանցագործություն, քանի որ իրեն խաբել են, երկրորդ՝ առողջությանը վնաս են հասցրել:

«Իմ սաղ տունս պրոբլեմ ա, դրա համար էլ երիկամս վաճառել եմ: Եթե սա հանցագործություն ա, թող ինձ պատժեն, ու նրանց էլ թող պատասխանատվության ենթարկեն,- ասում է Արմենը,- ես ամեն ինչ մանրամասն գրել եմ, բայց չեն էլ կանչել, որ հարցաքննեն: Հայկազը 100 տոկոս հարցերը տեղում լուծել ա… Պարզ ա՝ պատգամավորի բարեկամներն են, հարուստ, շատ թափով մարդիկ են: Դրա համար էլ էս վիճակն ա»:

Գերմանիայի դեսպանատնից «Հետքի» հարցմանը դեռ չեն պատասխանել: Իսկ գլխավոր դատախազի խորհրդական Սոնա Տռուզյանը տեղեկացրեց, որ գլխավոր դատախազությունում քաղաքացու դիմումը քննարկվել և ոստիկանությանը հանձնարարվել է դրա հիման վրա նախապատրաստել նյութեր:  

Հ. Գ. Արմենի, Նատաշայի և Հասմիկի անունները փոխված են:

Մեկնաբանություններ (12)

dr robert
this is to inform the general public that healthy K1dney donors are needed from all blood groups,each donor gets $500,000.00usd that is 3crore, hurry now and contact us via email ([email protected]),WHATSAPP +91-9606671985
[email protected]
Welcome to Apollo Hospital, Specialist hospital that buy kidney. Do you wish to sell your kidney in exchange of money? If yes. Then contact Dr Lucky Gacia today to get a reliable and good transaction for good money. Contact via below information email: [email protected] call me @ +918122208392 What's Up number: +919004558395
Dr Jack Robinson
Dear Sir /Madam, Hello ,Do you want to buy or sell your kidney for money, British kidney patient association is urgently in need for O+ve and A+ve kidney donors with any passports require. If any one is willing to donate or buy please contact us through my email id_ [email protected] Dr Jack Robinson Phone Number: +917418275425
Dr Steven
Good day, Do you want to buy a Kidney or you want to sell your kidney? Are you seeking for an opportunity to sell your kidney for money due to financial break down and you don’t know what to do, then contact us today and we shall offer you good for amount your Kidney. My name is Doctor steve henry, am a Nephrologist in Pyramid johnhopital102. Our clinic is specialized in Kidney Surgery and we also deal with buying,and transplantation of kidneys with a living an corresponding donor We are located in Indian, Turkey, Nigeria, USA, Malaysia. If you are interested in selling or buying kidney’s please don’t hesitate to,contact us via email Email: [email protected] Website: http://johnhopital102.gnbo.com.ng Read more: http://www.care2.com/causes/its-legal-to-sell-your-kidney-in-iran.ptnl#ixrt3sKS7n5rr .
serun
HETQ-IN ES TEMAYI GAPAGCUTYAMP VOCH KOREKT PROFESIONAL M@TGER EN HAYTNVAC PJSHKAKAN,TATAKAN ......... LAV GLINER NAXKAN KREYIK USUMNASIREIK U HETO MIAN KREIK,MEGE PORSHAC@ KREK CER DERDUM VASN ENCHI??? HUSAM CHEG JNJI
liana
mardn i inchqan anognakan anpashtpan u anter lini sepakan erkrum vor patrast lini mi qani hazar evroyov sepakan erikam@ vacharel...es ur enq hasel joxovurd..ed 30000 dolar@ mijin ashxatoxi kes tarva ashxtavarxzn e germaniayum..araj depi anter hayastan
Beatris
serun, ete hay ek, hayeren grel sovorek
Վարազ Սյունի (Ամստերդամ)
Սա, իհարկե, միայն քաղաքացիական վեճ չէ: Սա նաև քրեական գործ է՝ human trafficking- մարդու օրգանները խաբեությամբ /էժան հափշտակելու համար: Այսօր,ցավոք,աշխարհի 4 կողմում երիկամների առք ու վաճառքի տարբեր մաֆիաներ կան: Հոլանդական TV-ով վերջերս վավերագրական /դոկումենտալ ֆիլմ կար,թե ինչպես են Մոլդովայից տղամարդկանց (աշխատանքի կեղծ խոստումներով) տանում Թուրքիա ու, առանց իրենց իմանալու անգամ, հիվանդանոցներում երիկամները հանում/գողանում: Սա human trafficking-ի մեկ այլ ցնցող տեսակ է: Իսկ,ընդհանրապես, հոդվածի դեպքը կապված չէ Հայաստանի լավ-վատ երկիր լինելու հետ: Կոնկրետ այս դեպքում երիկամ վաճառելը ԴԵՄ էր տիեզերական օրենքներին.նա պիտի լիներ ավելի համբերատար ու որոներ փող գտնելու այլ մեթոդներ: Իսկ ՀՀ դատախազությունը ՊԻՏԻ ՔՐԵԱԿԱՆ գործ սկսի՝ քաղաքացուն մոլորեցնելով-խաբելով human trafficking-ի ենթարկելու համար (երիկամի ԿՈՐՍՏԻ հետևանքով): ՀԳ. 30000 դոլարը ԱՄԵՆ տեղ է մեծ գումար:
Արմինե Սահակյան
Պարոն Հ.Արսենյան,ՌԴ քաղաքացին տվյալ գործարքն իրականացրել է Գերմանիայում,այս գործն ի՞նչ կապ ունի ՀՀ Սահմանադրության հետ:
Dude Kumar
Do you want to sell your kidney for money? Apollo Hospital is urgently in need for O+ve B+ve and A+ve kidney donor. If anyone is willing for the kidney donor please contact us immediately 00918123908042 and we shall offer you $150,000.00 USD for your one kidney. So if interested kindly contact us now for more information. Best regard Dr. Dude Kumar No. 00918123908042 email: [email protected]
Арам
продаю почку очен срочно если ест покупатели пуст напишут на емайл я жву в Ереване [email protected]
DR BRIGHT
Dear Sir /Madam, Hello ,Do you want to buy or sell your kidney for money, Bright Leonard hospital is urgently in need for O+ve and A+ve kidney donors with any passports require. If any one is willing to donate or buy please contact us through my email: [email protected]

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter