Արդեն երկրորդ օրն է, ինչ «Փակ շուկա» պատմամշակութային հուշարձանի մոտ լարված իրավիճակ է:

Մի կողմից «Ազատագրենք հուշարձանն օլիգարխից» քաղաքացիական շարժման մասնակիցները փորձում են հուշարձանի պահպանման կոչերով իրենց ձայնը լսելի դարձնել հանրությանը, մյուս կողմից քաղաքացիների մեկ այլ խումբ ամեն գնով՝ ընդհուպ մինչև սպառնալիքներ, հայհոյանքներ ու ծեծ, փորձում է թույլ չտալ ցուցարարներին իրականացնել իրենց բողոքի ակցիան:

Այսօր նույնպես մարդաշատ էր «Փակ շուկայի» մոտ, սակայն, ի տարբերություն նախորդ օրվա, ակտիվիստները և նրանց միացած քաղաքացիներն աշխատում էին խուսափել իրենց դեմ դուրս եկած քաղաքացիների հետ երկխոսություններից և հնարավոր կոնֆլիկտներից: