HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Պատգամավորը` Իշխան Զաքարյանին. «Եթե մարդը կերել է բյուջեի փողերը, ապա նա պետք է պատժվի, փորձեք համոզել սրանում»

ՀԱԿ խմբակցության պատգամավոր Արամ Մանուկյանը այդպես էլ վերահսկիչ պալատի նախագահի թեկնածու Իշխան Զաքարյանից չստացավ իր բարձրացրած հարցի պատասխանը, թե ինչ արդյունավետութուն ունի վերահսկիչ պալատը:

Հիշեցնենք, որ այս պահին Ազգային ժողովը քննարկում է վերահսկիչ պալատի նախագահի նշանակման հարցը:

«Կա այսպիսի հստակ պատկերացում, որ ձեր գործունեությունը ծառայում է ուրիշի համար, որպես քաղաքական գործիք` քաղաքական հետապնդումների եւ այլնի համար: Հստակ ասում եմ` բյուջեի խախտումների վերաբերյալ, պետական միջոցների ոտնձգությունների վերաբերյալ, եթե դուք չեք ասում, որ գոնե կա ինֆորմացիա ձեր հետաքրքրությունը, տեղեկացվածությունը մարդկանց պատժելու վերաբերյալ, ապա համոզում եք այն, ինչ որ ես ասացի: Դուք պետք է այդ կարծիքն այսօր հերքեք, փորձեք հերքել, որ դա պատժի հասնող գործընթաց է: Եթե մարդը կերել է բյուջեի փողերը, ապա նա պետք է պատժվի, փորձեք համոզել սրանում».-ասաց Արամ Մանուկյանը:

Իշխան Զաքարյանը նշեց, որ ինքը քաղաքական գնահատականների շրջանակ չի մտնելու, եւ դա շատ հասկանալի է: «Ինչ վերաբերում է նրան, որ ընդհանրապես չկա, պատժելիություն չի լինում եւ այլն, իհարկե, լինում է եւ կան դեպքեր եւ դրանք հրապարակվում են, համապատասխան կառույցներն էլ տալիս են համապատասխան ինֆորմացիաներ»,-ասաց Ի. Զաքարյանը` հավելելով, որ չի բացառվում, որ բավարարվածության զգացումի խնդիր լինի:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter