HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սերոբ Տեր-Պողոսյանը «կոկիկ հագնված, բարձր տրամադրությամբ դատական դահլիճում նստած է»

Սերոբ Տեր -Պողոսյանի գործով հուլիսի 21-ին՝ ժամը 12-ին նշանակված դատական նիստը սկսվեց 1 ժամ ուշացումով: Դատավոր Մուշեղ Հարությունյանը հայտնեց, որ դատական նիստը մեկ ժամ հետաձգվում է Երևանից եկող մեղադրական կողմի ուշանալու պատճառով:

Մինչև դատական նիստի սկսվելը դատարանի սպասասրահում կանգնած էր զինվորական համազգեստով երկու տուժող: Սպասողների մեջ էին նաև տուժողների մայրեր:

Դատարանի սպասասրահում կարճ ժամանակով հայտնվեց նաև «Մեթըլ Փրինս» ընկերության ընդհանուր հարցերի գծով տնօրեն Գագիկ Շահնազարյանը:

Դատական նիստի առաջին ընդմիջմանը մեղադրող Հովսեփ Սարգսյանը լրագրողներին հայտնեց, որ դատավարությունը արդեն սկսված է, հրապարակվել է մեղադրական եզրակացության եզրափակիչ մասը, սկսվել է դատաքննությունը, որն արդեն մտել է ապացույցների հետազոտման փուլ:

Դատարանի որոշմամբ սահմանվել է հետազոտման կարգը. սկզբում հետազոտվելու նպատակով դատաքննության մասնակիցները կդիտեն քրեական գործին կցված տեսանյութերը, որոնք իրեղեն ապացույցներ են ճանաչված: Ըստ Հովսեփ Սարգսյանի՝ դատավոր Մուշեղ Հարությունյանը դատական նիստը ընդմիջել է՝ տեսանյութերը նայելու համար պահանջված տեխնիկան դատական դահլիճում տեղադրելու նպատակով:

Հովսեփ Սարգսյանն ասաց, որ արագացված դատավարության վերաբերյալ դատարանում միջնորդություն չի եղել: «Եթե նույնիսկ նման միջնորդություն էլ լիներ, դատավոր կմերժեր այդ միջնորդությունը, որովհետև դա օրենքով նախատեսված չէ: Առանձնապես ծանր հանցագործության դեպքում չէր կարող այդպիսի միջնորդություն լինել»,- ասաց մեղադրողը:

Լրագրողներին հետաքրքրեց նաև դատական նիստերի ընթացքում Սերոբ Տեր-Պողոսյանի պահվածքը: «Շատ նորմալ վիճակում է. համենայնդեպս, ես այդպիսի տպավորություն ունեմ: Արտաքին տեսքից ճնշվածություն չեմ նկատում: Կոկիկ հագնված է, բարձր տրամադրությամբ դատական դահլիճում նստած է: Հոգեբանորեն ընկճված մարդու տրամադրություն չկա նրա մոտ»,- ասաց Հովսեփ Սարգսյանը: Վերջինս նաև հայտնեց, որ տեսանյութերը նայելուց հետ դատարանը կանցնի տուժողների հարցաքննությանը:

Դատական նիստը ավարտվեց ժամը 18:00-ին: Դատական նիստի ավարտին մեղադրող Հովսեփ Սարգսյանը լրագրողներին հայտնեց, որ դատարանը հետազոտել է տեսանյութերի որոշ մասը է և հարցաքննել է մեկ տուժողի:

Ըստ Հ. Սարգսյանի՝ տուժողը պատմել այն, ինչ եղել է իր և Սերոբ Տեր-Պողոսյանի միջև: Տեսանյութերում երևում են գործող անձինք: «Տեսնյութի տուժողները, իհարկե, ներկա էին դատաքննությանը: Տեսանյութերում տուժողներն էլ կային, կար նաև ամբաստանյալ Սերոբ Տեր-Պողոսյանը»,- ասաց Հ. Սարգսյանը:

Մեղադրողը նաև ասաց, որ մեղադրական կողմը ավելի քան համոզված է, որ գործով դատարան բերված ապացույցները հիմնավոր են, և մեղադրանքը կհիմնավորվի դատաքննության ընթացքում, «ինչին ականատես եղանք այսօր դատարանում, և դա շարունակական ընթացք է ունենալու հետագայում»:

Դատական նիստի ընդմիջմանը «Հետքը» զրուցեց նաև Սերոբ Տեր-Պողոսյանի շահերի պաշտպան Տիգրան Սաֆարյանի հետ: «Քրեական օրենքով արգելված ամեն արարք էլ հասարակությունը չի ընդունում: Հիմա այդ տարբերություն դնելը իմ կարծիքով, եթե մենք ուզում ենք իրավական պետություն դառնալ, ճիշտ չի լինի ասել այս հոդվածներով մեղադրվող մարդկանց կարելի է պաշտպանել, մյուսներին ոչ: Քանի որ նիստը դռնփակ է գնում պաշտպանական տակտիկայի նպատակահարմարությունից ելնելով, այսօր որևէ բան չենք կարող ասել, ինչ ենք անելու: Ուղղակի մենք իրավական օգնություն ենք ցույց տալու»,- ասաց պաշտպանը:

Նա իր առաջ խնդիր չէր դրել դատարանում հասնել Սերոբի Տեր-Պողոսյանի արդարացմանը: «Դուք այդպիսի խնդիր եք դնում իմ առաջ: Պաշտպանի խնդիրը անձին իրավաբանական օգնություն ցույց տալն է»,- կրկնեց պաշտպանը:

Հաջորդ դատական նիստը տեղի կունենա հուլիսի 25-ին՝ ժամը 12:00-ին:

Մեկնաբանություններ (6)

Aram
hayKus, please do not burden the FBI.U S. has enough problems. As to you all self righteous people, who seem to be ready to lynch people based (so far) only on allegations, remember Enver, Talaat and Gemal did the same thing to your ancestors.....lynch them because they deserved it?
haykUS
You know what, I do not trust Armenian justice. I am going to personally send a few letters to FBI here in US about this bastard. This evil neeeds to burn in hell.
Lia
Եվ պատկերացնում եք, այդպիսի մի անձի կյանքի ու գործունեության վերաբերյալ ինչ հաստափոր գրքեր լույս տեսան միայն վերջերս: Առ մի ուշադրրություն դարձրեք, թե որքան մեծ ու հեղինակավոր մարդկանց անուններ են մնում ստվերում,կամ հենց միայն Ախթալայի դպրոցներում քանի աշակերտ է ուսումնական տարին անցկացնում առանց դասագրքի, մինչդեռ այլաբարո սերոբի գրքերը, նույնիսկ դեռ այսօր, զարդարում են ոմանց գրապահոցները, և այն էլ ցուցանելի տեղերում: Հարգելի ախթալեցիներ, կոչ եմ անում հենց Ախթալայի հրապարակում ՎԱՌԵԼ այդ գրքերը: Մի վարանեք:
Lia
Aysor mi vorb erexa, vor jamanakin gone hor ajakcutyunn er krum, mi qanisi qmahachutyan patcarov haytnvel e mankatany, ev aylevs voch voq chi hetaqrqrvum nra het kapvats ayd anamot patmutyamb.Irav, tox patjven bolor ayn stor mardik, ovqer ajakcecin lktiutyann u anbaroyakanutyany.Heracreq aydpisinerin mer sharqeric, nranq pghtsum en mer azgy, mer petutyuny.
Susanna
Serobi gortsov petq e bacvi ayn nexoceci axjnaki brnabarutyan gorts@, vor@ tsatskadmpoc arecin Alaverdu vostikanner@.... en vorb erkhayi gorts@, vor mnac nuynisk aranc hogebanakan ognutyan... Petq e gorts harucvi nayev iravapah marminneri dem, ovqer charashahel en irenc pashtonakan partakanutyunner@ u chen pordzel bacahaytel iskutyun@... Petq e patjven hancagortsutyan masin Serobi shrjapati aysorva harustner@, ovqer minch aysor el nra hamar payqarum en. Mi ban hetaqrqir e, tesnes dranq erekha chunen, hatkapes tgha erekha, vor chen pordzel ed anmegh, gyughaci, miamit erekhaneri, ovqer irenc kyanqum aydqan shat bpogh chen tesel, het pahein. Astvats erevi nmannerin, iskapes, txaner chi pargevel, uremn dranq arjani en dran..
Susanna
Poghkapov, kostyumov, mi qani orensgirq el dzerqin nstats er, erevi zgum e, vor inqn e iren pordzelu pashtpanel u datapashtpannern el ayd tesanyuter@ tesnelov, nerqust kdadaren nran pashtpanel... Ahavor e, ed matghasgh erekheqi hamar a sirts cavum... uzum em ed hresh@, hivand@ cmah azatazrkman gna...

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter