Վանաձորի բնակիչ Սամվել Հարությունյանը ցանկանում է օգնել ՀՀ գլխավոր դատախազ Գեւորգ Կոստանյանին: Նա դիմում է գրել գլխավոր դատախազին: Ստորեւ ներկայացնում ենք դիմումը նույնությամբ. 

«ՀՀ Գլխավոր դատախազ  պարոն  Գևորգ Կոստանյանին

Սամվել Ջահանի Հարությունյանից

  ԴԻՄՈՒՄ

Հարգելի պարոն Կոստանյան, Ձեր հայտարարությունն այն մասին, որ դատավորին կաշառելու ցանկացած ապացույց կարժանանա Ձեր անձնական ուշադրությանը` ոգևորում և պարտավորեցնում է օգնել Ձեզ իրավապահ համակարգում օրինականություն հաստատել:

Ես այն կարծիքին եմ, որ դատավորին կաշառք տալիս է իր շահը հետապնդող կողմը և որպես կանոն դժգոհ չի մնում:

Բնականաբար վերջինս բողոքելու կարիք չունի: Դատավորի կաշառվելը կամ կոռումպացված վճիռ կայացնելն ուղղված է ընդդեմ դատավճռի հետևանքով տուժող կողմին և հենց նա է շահագրգիռ ապացուցել, եթե ոչ կաշառքի փաստը, ապա վճռի կոռումպացված լինելը:

Հանդիսնալով նման իրավիճակում հայտնված և կոռուպցիոն գործարքների հետևանքով տուժած կողմ` ես պատրաստ եմ համագործակցել ՀՀ Գլխավոր դատախազության հետ և ներկայացնել հիմնավոր ապացույցներ առ այն, որ Երևանի Կենտրոն համայնքի դատավոր Է. Ասատրյանը վերաքննիչ դատարանի դատավոր Լ. Թադևոսյանը, Լոռու մարզի ընդհանուր իրավասության դատարանի դատավոր Վ. Հովնանյանը կոռումպացված են և իրենց կայացրած վճիռներում առաջնորդվում են մասնավոր շահով:

Չեմ ակնկալում դատավճռի փոփոխություն, սակայն առավել կարևոր եմ համարում, որ նման դատավորների գործողությունները գնահատվեն ըստ արժանվույնս:

Դիմում եմ Ձեզ բաց դիմումով և համոզված եմ, որ իմ դիմումն օրինակ կծառայի այլ քաղաքացիների համար ևս, և գուցե Ձեր հայրենասեր գործունեությունն ստանա քաղաքացիական լայն աջակցություն:Այս դիմումը համաձայն կարգի ուղարկվել է Ձեր պաշտոնական հասցեով:

Դիմող`        Սամվել Հարությունյան»:

Վանաձոր քաղաքի Նար-Դոսի 73ա տուն. հեռ. 093 603 306