HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սերոբ Տեր-Պողոսյանը սեքսուալ հարաբերությունների ընթացքում գործադրել է նաև բռնություններ

Հուլիսի 26-ին` ժամը 12:00-ից մինչև 19:30, առանց ընդմիջման Վանաձորի ընդհանուր իրավասության դատարանում շարունակվեց Սերոբ Տեր-Պողոսյանի դատավարությունը: Դատարան ներկայացել էր 5 տուժող, որոնցից ցուցմունք տվեց երեքը:

Տուժողները, որոնց դատարանում կարգադրիչները պահում էին հատուկ հսկողության տակ, ժամանել էին ծնողների ուղեկցությամբ: Դատարանում անվտանգությունն ապահովող կարգադրիչների պետը դատաքննությանը հետեւող լրագրողներին հատուկ զգուշացրեց տուժողներին չլուսանկարել:

Սպասասրահում առանձնապես լարվածություն էին ստեղծում տուժողների մայրերը: Դատական նիստի ավարտից հետո մեղադրող Արամ Ամիրզադյանը լրագրողներին հայտնեց, թե դատաքննության ընթացքում պարզվել է, որ այսօր դատարանում ցուցմունք տված տուժողներից մեկի ծնողը նույնիսկ տեղյակ չի եղել, որ Սերոբ Տեր-Պողոսյանն իր որդու նկատմամբ կատարել է սեքսուալ բնույթի գործողություններ:

«Հարցն այն է, որ դատաքննության ընթացքում, երբ ծնողը ցանկացավ տեսագրությունը նայել, նա չէր պատկերացնում, թե ինչ տեսագրություններ պետք է լինեին: Երբ մենք նրան առաջարկեցինք դահլիճում մնալ և որպես տուժողի ներկայացուցիչ՝ դիտել տեսանյութը, տուժողն ինքը հայտարարեց, որ մայրը չմնա դահլիճում, քանի որ մայրը ոչ մի բանից տեղյակ չէ: Դրանից հետո մայրը դատարանում հայտարարեց՝ եթե տղան չի ցանկանում, ինքը չի մասնակցի»,- ասաց մեղադրողը:

Վերջինիս կարծիքով՝ դրանից էլ պարզ է դարձել, որ մայրը կատարվածի մասին չգիտեր: Արամ Ամիրզադյանը ծնողների տեղեկացվածության վերաբերյալ նաև ասաց, որ նախաքննության ընթացքում նրանք հայտնել են, թե տեղյակ չեն եղել իրենց տղաների հետ կատարվածից: Բայց, ըստ մեղադրողի, այս հարցի հետ կապված կան վերապահումներ. «Գիտեք ինչ, գումարներ են տուն գալիս, պատկերացրեք՝ բարեգործություն կատարող անձի դիմակի տակ կատարվում է որոշակի գործողություն, որից կարող է ծնողը տեղյակ չլինել: Նա տալիս է գումար, էդ գումարը բարեգործության նպատակով է տրվում, այսինքն՝ ծնողը օբյեկտիվորեն կարող է չիմանալ այդ գումարի մասին»:

Ծնողների ագրեսիվությունը մեղադրողը մեկնաբանեց ենթադրությամբ. «Մարդիկ որոշ չափով նյութական ապահովվածությունից զրկվում են այս պահին, այս բարիերը կա նրանց մոտ»: 

Ըստ մեղադրողի՝ բոլոր 10 տուժողներն էլ ժամանակին, երբ նրանց նկատմամբ կատարվել են սեքսուալ բնույթի գործողություններ, եղել են անչափահաս, բայց հիմա նրանց մի մասն արդեն չափահաս է: Այսօր դատարանում հարցաքննված 3 տուժողից չափահաս է միայն մեկը: Անչափահասները ցուցմունք են տվել մանկավարժի ներկայությամբ:

Դատարանը որոշել է հաջորդ նիստն անցկացնել ավելի քան մեկ ամիս անց: «Առաջարկ եղավ, որ դատական հաջորդ նիստը նշանակվի մոտակա օրերին, դատավորը հայտարարեց այդ մասին: Պաշտպանները հայտնեցին, որ չեն կարող մասնակցել` արձակուրդ մեկնելու կապակցությամբ: Սա է խնդիրը»,- պարզաբանեց մեղադրող Ամիրզադյանը: 

Ինչո՞ւ է Սերոբ Տեր-Պողոսյանն անձամբ նկարահանել իր կողմից կատարվող այն գործողությունները, որոնք նրան, ի վերջո, հասցրին դատարան: Այս կապակցությամբ մեղադրող-դատախազն ասաց, թե տուժողներին նույն հարցը տվել է, իսկ ամբաստանյալ Սերոբ Տեր-Պողոսյանին՝ առայժմ ոչ, բայց կուղղի դատական հետագա նիստերի ընթացքում:

Տուժողներից մեկը նկարահանման մասին հստակ իմացել է: Նա պատմել է. «Սերոբը նկարահանում էր, ես էլ հարցնում էի՝ ինչի՞ համար ես նկարահանում, նա պատասխանել է, որ իր համար է նկարում»:

Սերոբ Տեր-Պողոսյանը ոչ միայն անչափահասների, այլև մանկահասակ տղաների հետ սեքսուալ հարաբերությունների ընթացքում գործադրել է անգամ բռնություններ:

«Նկարներում և որոշ տեսանյութերում դրանք պատկերված են. ձեռքից քաշում է, մոտեցնում է իրեն: Մանրամասնությունները ես չեմ ուզում ձեզ նկարագրել, որովհետև դա կապված է անձանց հետ»,- ասաց մեղադրող-դատախազը:

Ամբաստանյալն իրեն մեղսագրվող արարքները կատարել է սեփական տներում, մասնավորապես Ախթալայի «Թազա շենք» կոչվող և Սարահարթ թաղամասերում գտնվող իր բնակարաններում:

Սերոբ-Տեր-Պողոսյանի նկարահանումներն արդյոք պոռնո բիզնեսով զբաղվելու նպատակ չե՞ն հետապնդել: «Հետքի» հարցին Արամ Ամիրզադյանը պատասխանեց. «Ոչ, ես չեմ կարող միանշանակ դրա մասին ասել: Բայց այդ վարկածը նախաքննության ընթացքում եղել է, և այդ վարկածի ուղղությամբ մենք որոշակի աշխատանքներ կատարել ենք: Բայց դա միանշանակ Ձեր ասածը չի նշանակում: Նկարահանումը նա կատարել է իր հաճույքը ստանալու կամ հետագայում շանտաժի և տղաներին իրենից կախվածության մեջ պահելու համար»:

Ամբաստանյալ Տեր-Պողոսյանը դատարանում տուժողների ցուցմունքներին հանգիստ է վերաբերվել: Նա չի էլ ժխտում տուժողների հետ սեքսով զբաղվելու հանգամանքը:

«Սերոբի ամբողջ պայքարը գնում է մանկահասակի հետ լինելու դեմ: Մնացածը, ինչը պետք է ժխտի, Սերոբն ինքն է ցույց տալիս տեսանյութը և բացատրում իր գործողությունները, հետո ինքն է առաջարկում դադարեցնել»,- ասաց մեղադրողը:

Արամ Ամիրզադյանի խոսքերով՝ դատաքննության ընթացքում ևս մեկ անգամ համոզվել է, որ տուժողները կատարվածի համար զղջում են և համարում, որ դա իրենց կյանքում եղել է սխալ քայլ: Մեղադրողն ասաց, թե այսօրվա դատաքննությունից գոհ է. «Մենք երկար ենք աշխատել, և բոլոր ապացույցները, ցուցմունքները, տեսանյութերը մանրակրկիտ ուսումնասիրվել են»:

Մեղադրողի վկայությամբ՝ դատարանը տուժողներին հարցաքննում է տեսանյութը եւ դրանում պատկերված գործողությունները դիտելուց հետո:

Սերոբ Տեր-Պողոսյանի շահերի պաշտպան Տիգրան Սաֆարյանը դատաքննության երկարատև հետաձգումը բացատրեց մեկ շաբաթ պաշտպանների, ապա դատավորի արձակուրդ մեկնելու հանգամանքով:

Փաստաբան Սաֆարյանը լրագրողներին հայտնեց, որ դատարանում իր պաշտպանյալի հանցանքի ապացուցման հետ կապված ունի որոշ վերապահումներ, սակայն հենց Ս. Տեր-Պողոսյանի շահերից ելնելով` հրաժարվեց խոսել այդ վերապահումների մասին:

Ապացույցների հետազոտման փուլը կշարունակվի օգոստոսի 30-ին:

Լուսանկարը՝ Ֆոտոլուրի

Մեկնաբանություններ (9)

Garabed Andonian
Dataranum Mankapighdzin pashtpanogh 2400 storagrutyunner@ marmnavajarrnerits avel vattar en, sranq MANKAVAJARRNER en!
Garabed Andonian
7 - Hrachin: Հիմա ով է հրեշը - http://www.armtimes.com/27002 Lav el dzakhel en, 2400/2500...
Hrach
Zarmanum em ay, vonc eq hamatarats asum, te tsnoxnern imacel en. Ha, 1 tsnox tox strkamit liner, ba bolor @ho chen tsaxi irenc erekhayin poxi hamar? Inchqan hesht en mardik datum, aynn depqum , erb amenqis mej el ka ed hreshn u strkamtutyun@>..
Haikuhi
Bavakanin mecaxos u vat mard es Karen, es qo mecaxosutiunery karhamarem.
Կարեն
Հայկուհի , էնքան տափակ են ձեր դատողությունները, որ չեմ ցանկանում շփվել, իսկ իմ մեկանաբանությունները եթե դուր չեն գալիս ձեզ մի կարդացեք, ովա քեզ խնդրում
gayane
Մանկապիղծին բարերար համարող ծնողները պետք է նստեն դրա կողքին: Իսկ թե ինչու հայ հասարակությունը դարձել է ստրկամիտ, հանդուրժող, այլասեր- առանձին և խոր քննարկման թեմա է:
Mleh Ishkhanian (Beirut)
Ծնողները Սերոբին բարերար են համարում http://www.lragir.am/armsrc/pubcorr51142.html Arra qezi hayabahbanutyun!
A.
Ete es mardu dem es mexadranknern irok chisht en ,apa sran 8-15 tarin mexm patija ,sran piti benzin@ lznen vran u hasarakutyan ackeri araj varen,vor ira nmanneri hamar das lini.Atum em en mardkanz ov anchapahasneri dem serakan votnzgutunner e anum.ANIZYAL LINEN.
Haikuhi
Es karox em dzez zangaharel, vorpeszi duq hamozveq, vor es Larisain andznapes ancanot mard em, Karen.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter