ՈՒրբաթ, 21 սեպտեմբերի

Գոմեշի մսի գործով մեղադրյալ գործարարը 150-տոննայանոց սառնարան է կառուցել ՊՆ- ի համար



2012-ի ամռանը ԼՂՀ ՊԲ-ում հայտնաբերված գոմեշի մսի գործով գլխավոր մեղադրյալ, կապանցի գործարար Ալբերտ Օհանջանյանը փոխհատուցել է պետությանը հասցրած վնասը: Քրգործի նախաքննությունը դեռեւս չի ավարտվել, սակայն ավարտական փուլում է:

Հիշեցնենք, որ ՊԲ Մարտունի-2 զորամասում հենց զինվորներն էին նկատել, որ տավարի մսի կտորների մի մասի վրա առկա է գոմեշի մսի պիտակ: Մատակարարը պարտավորվել էր տավարի ոսկրոտ միս վաճառել բանակին, սակայն դրա փոխարեն տրամադրել է գոմեշի մսի բրիկետներ:

ՊՆ քննչական ծառայության հատկապես կարեւոր գործերով քննչական բաժնում գտնվող գործով մեղադրանք է առաջադրվել 5 հոգու. Կապանի «Ա. Օհանջանյան» ՍՊԸ-ի տնօրեն Ալբերտ Օհանջանյանին, ԼՂՀ ՊԲ կենտրոնական ենթակայության պահեստի (վերջինս զորամասի կարգավիճակ ունի) պետին (փոխգնդապետ, որը, փաստորեն, զորամասի հրամանատար է), նյութատեխնիկական գծով նրա տեղակալ մայորին, նույն զորամասի պահեստարանի պետ ենթասպային, ինչպես նաեւ ՊԲ պարենային ծառայության պետին (փոխգնդապետ): Եթե Օհանջանյանը մեղադրվում է ՀՀ ՔՕ-ի 178 հոդվածի 3-րդ մասով («Խարդախությունը (խաբեության կամ վստահությունը չարաշահելու եղանակով ուրիշի գույքի հափշտակությունը կամ ուրիշի գույքի նկատմամբ իրավունք ձեռք բերելը), որը կատարվել է առանձնապես խոշոր չափերով, պատժվում է ազատազրկմամբ՝ 4-8 տարի ժամկետով՝ գույքի բռնագրավմամբ կամ առանց դրա»), ապա զինվորականներին մեղսագրվում է ՔՕ 376-րդ հոդվածի 2-րդ մասում նկարագրված արարքը («Անփույթ վերաբերմունքը ծառայության նկատմամբ, եթե անզգուշությամբ առաջացրել է ծանր հետեւանքներ, պատժվում է ազատազրկմամբ՝ 3-6 տարի ժամկետով»):

Չնայած գործարարն ու 4 սպաները նախկինում գտնվում էին կալանքի մեջ, նախաքննության ավարտական փուլում բոլորն ազատ արձակվեցին ստորագրությամբ, որն ի սկզբանե կիրառվել էր մեղադրյալ ենթասպայի հանդեպ: Բացի ՊԲ պարենային ծառայության պետից՝ մյուս զինվորականները ՊԲ հրամանատար Մովսես Հակոբյանի հրամանով ազատվել են ծառայությունից:

«Հետքն» այս գործին մանրամասն անդրադարձել է ի սկզբանե: Չնայած նույնիսկ նախագահի մակարդակով բանակում կատարվող չարաշահումների վերաբերյալ հնչեց նաեւ գեներալ Արշալույս Փայտյանի անունը (նա պատասխանատու էր սպառազինության եւ ՊՆ գնումների գործընթացի համար), որը մամուլը կապեց հենց գոմեշի մսի գործի հետ, Փայտյանն ընդամենը ազատվեց աշխատանքից եւ հարցաքննվեց իբրեւ վկա:

Դեռ անցյալ տարվա մայիսին զինդատախազությունը հայտնեց, որ Օհանջանյանը միջոցներ է ձեռնարկել՝ պետությանն իր պատճառված նյութական վնասը վերականգնելու ուղղությամբ: Եվ ահա «Հետքի» հարցմանն ի պատասխան՝ քննիչ Ա. Ղազարյանը հայտնել է, որ նախաքննության ընթացքում մեղադրյալ Ալբերտ Օհանջանյանը, որպես պետությանը պատճառված վնասի հատուցում, իր միջոցներով ՀՀ ՊՆ կարիքների համար կառուցել է 150 տոննա տարողությամբ, 73.362.390 դրամ արժողությամբ սառնարանային համալիր:


Գլխավոր էջ


Տես նաև՝

ավելին



Մեկնաբանություններ (2)
1. NY00:08 - 11 փետրվարի, 2014
ч.2 ст.376 УК (халатное отношение к службе, вызвавшее по неосторожности тяжелые последствия). Можно узнать какие тяжелые последствия сопровождали потребителей/солдат. Массовые отравления, заражения/привело к смерти, увечью/,госпитализация, зарегистрированы?Может солдаты в обморок попадали, обнаружив не ту печать? Вообще-то оно намного полезней говядины.На мировом рынке в категорию, говядина/beef-попадает весь крупный рогатый скот. Не думаю, что оно дешевле говядины/коровы,наверно все дело в просроченности продукта,и антисанитарности хранения,если таковое выявлено.Никак не пойму с чего такая шумиха?
2. Arto10:14 - 12 փետրվարի, 2014
Дорогие, о какой халатности со стороны военнослужующих может идти речь, если по факту мясо не было просрочено и они НАРОЧНО не были информированы о том, что по контракту которого они не видят, мясо должно быть с костями...и что мясо буйвола нет в контракте( но оно относится к группе *говядина* ) А в счёт фактуре наименование (միս տավարի). Я уверяю весь армянский народ, что вся махинация как говорит А. Оганджанян была задумана не им, а людьми(если можно так говорить о них) которые сидят в глубоких креслах обещавшие быть *крышей* и он всего лишь исполнитель, несмотря на то что под ударом всегда оказался он как поставщик. Я прошу Вас, очнитесь и не верте некоторым чиновникам которые хотят закрыть дело так, чтобы виновными оказались невиновные, а не они.
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ