Մատենադարանի մոտից մեկնարկեց կուտակային կենսաթոշակների դեմ երթը: Մասնակիցների նպատակը համաքաղաքացիներին իրազեկելն էր, կամ, ինչպես իրենք էին ասում` լուսավորելը կուտակային թալանին մասին:

Քաղաքացիները երթով անցան Երևանի կենտրոնական փողոցներով և հասան մինչև Ազատության հրապարակ: Նրանք կոչ էին անում հետևել Ատոմակայանի աշխատակիցների, երկաթուղայինների, մետրոպոլիտենի, էլեկտրացանցերի, Օպերայի աշխատակիցների օրինակին, ինքնակազմակերպվել, միասնական լինել ու պայքարել սեփական իրավունքների համար: