HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դանիել Իոաննիսյան

Ուկրաինա-Ռուսաստան լարվածությունը խորանում է. հայտարարված է մոբիլիզացիա

Երեկ Ռուսաստանի Դաշնության խորհրդարանի վերին պալատը միաձայն հավանություն է տվել նախագահ Վլադիմիր Պուտինի` Ուկրաինա զորք մտցնելու առաջարկությանը:

Ինչպես արդեն հայտնել էինք, ռուսական զորքերն արդեն իսկ ներխուժել են Ղրիմում գտնվող մի շարք ռազմավարական օբյեկտների տարածք: Ղրիմ է տեղափոխվել ռազմական տեխնիկա, այդ թվում՝ ուղղաթիռներ:

Երեկ ռուսական նավատորմը փորձել է պաշարման մեջ վերցնել Բաակլավայում գտնվող ուկրաինական սահմանապահ զորքերի նավերը, սակայն վերջիններիս հաջողվել է ծով դուրս գալ:

Նշված դեպքերից և ՌԴ Դումայի որոշումից հետո Ուկրաինայի նախագահի ժամանակավոր պաշտոնակատար Ալեքսանդր Տուրչինովը բոլոր զորքերը մարտական պատրաստության բերելու մասին հրաման է արձակել: Երկրում սկսվել է համընդհանուր մոբիլիզացիա (զորակոչ):

Ուկրաինայի ներքին գործերի նախարար Արսեն Ավակովը ֆեյսբուքում գրել է, որ Ղրիմում գտնվող ներքին զորքերի զորամասեր են ժամանել ռուս «էմիսարներ», ովքեր անձնակազմերին առաջարկում են դառնալ ՌԴ քաղաքացի և անցնել իրենց կողմը: Ավակովի խոսքերով` բոլոր նման դեպքերում «էմիսարներին ուղարկել են ուր որ պետք է»:

Իսկ ահա Թեոդոսիայում գտնվող Ուկրաինայի ռազմածովային ուժերի ծովային հետևակի զորամասն այժմ պաշարված է ռուսական ստորաբաժանումների կողմից: Վերջիններս ներկայացրել են վերջնագիր, համաձայն որի` Երևանի ժամանակով ժամը 12:00-ին ուկրաինացիների կողմից չզինաթափվելու դեպքում կսկսեն գրոհել:

Միջազգային դրությունը

Արևմտյան երկրները բավականին սուր են արձագանքել Ռուսաստանի կողմից Ուկրաինայի տարածքային ամբողջականության ոտնահարմանը:

Այսպիսով, ԱՄՆ նախագահ Բարաք Օբաման հայտարարել է, որ պետք է քննարկվի ՌԴ անդամակցությունը մեծ ութնյակի գագաթնաժողովին, քանի որ «սա մեծ ութնյակի անդամ պետությանը վայել պահվածք չէ»:

Միաժամանակ, Ուկրաինայի ԱԳՆ-ն ռազմական և քաղաքական աջակցություն է հայցել ԵՄ-ից, ԱՄՆ-ից և ՆԱՏՕ-ից: Ի պատասխան՝ ՆԱՏՕ-ի գլխավոր քարտուղար Անդրես Ֆոգ-Ռասմունսենը հայտարարել է, որ ՌԴ-ն պարտավոր է հարգել Ուկրաինայի տարածքային ամբողջականությունը: Ֆոգ-Ռասմունսենը նաև տեղեկացրել է, որ խնդրի շուրջ այժմ քննարկումներ են ընթանում:

Հիշեցնենք, որ ԽՍՀՄ փլուզումից հետո Ուկրաինայում էր մնացել միության ատոմային ռազմագլխիկների մի մասը, և ատոմային զինաթափման դիմաց ԱՄՆ-ն, Մեծ Բրիտանիան և Ռուսաստանը երաշխավորել էին Ուկրաինայի տարածքային ամբողջականությունը:

Մեկնաբանություններ (2)

hay mard
Mi ban lav gitenq patmutyunic, inchqan el heru linen paterazmner@ mek e hayin kpnum e, de hayutyun patrasveq azerineri harcakman@, sa ayn pahn e, vor stor@ hima arit@ bac chi tornelu, rus@ mtav iren verabervor paterazmi mech, isk amerikancin shans@ bac chi tornelu yevs mi hska yerkir ir cucakum avelacnelu.
ռոզա
ինչքան շատ խփեն իրար այնքան մենք ժամանակ կշահենք մեր դիրքերը ուժեղացնելու համար

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter