Միջոցառումներ` Վազգեն Սարգսյանի հիշատակին
ԼՂՀ կառավարությունը որոշում է ընդունել Հայաստանի Հանրապետության եւ Արցախի հերոս Վազգեն Սարգսյանի 50-ամյակին նվիրված հոբելյանական միջոցառումների մասին: Հանդիսությունների կազմակերպման նպատակով ստեղծվել է կառավարական հանձնաժողով` վարչապետ Արա Հարությունյանի նախագահությամբ: Այս մասին հայտնում են ԼՂՀ կառավարության տեղեկատվության եւ հասարակայնության հետ կապերի վարչությունից:
Այսօր տեղի է ունեցել հանձնաժողովի անդրանիկ նիստը, որի ընթացքում նախանշվել է միջոցառումների ծրագիրը, հստակեցվել դրանց անցկացման հետ կապված մի շարք հարցեր:
Սպարապետին նվիրված հիշատակի հանդիսություններ կկայանան հանրապետության ՊԲ զորամասերում, ուսումնական հաստատություններում, պետական-հասարակական տարբեր կառույցներում, իսկ գլխավոր միջոցառումները տեղի կունենան Վ.Սարգսյանի ծննդյան օրը` մարտի 5-ին: Ադ օրը Ստեփանակերտում եւ Շուշիում նախատեսվում է կազմակերպել այցելություն հերոսի արձանին, հանդիսավոր արարողություններ: Միջոցառումների շարքը կեզրափակվի հուշ-երեկոյով:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել