Ընդդիմությունը գնում է Ազատության հրապարակն ազատելու
Լևոն Տեր-Պետրոսյանը, իր ելույթն ավարտելով, խոսքը փոխանցեց ՀԱԿ-ի համակարգող Լևոն Զուրաբյանին, ով պետք է ներկայացներ դեռ օրեր առաջ խոստացած անակնկալը: Զուրաբյանն ասաց, որ Կոնգրեսի մարտավարության ու հետագա քայլերի վերաբերյալ հատկապես վերջին հանրահավաքից հետո տարբեր ուժերի և մարդկանց կողմից արվել են բազմաթիվ առաջարկություններ, և Կոնգրեսն ինքն այսօր ժողովրդին առաջարկում է հետագա քայլերից մեկը` այլևս չենթարկվել իշխանությունների ապօրինի որոշումներին:
ՀԱԿ-ի համակարգողն ասաց, որ մարտիմեկյան ողբերգական իրադարձություններից հետո իշխանությունները սկզբում տանկերով, հետո` ավտոկայանատեղի կառուցելու պատրվակով Ազատության հրապարակը բռնազավթել էին` հույս ունենալով, որ այդ ընթացքում ժողովրդական շարժումը կմարի. «Բայց ռեժիմի հույսերը չարդարացան: Եկել է այն պահը, որ պետք է իրական քայլեր անենք մեր ոտնահարված իրավունքները վերականգնելու համար»:
Այս պահին ոստիկանական ուժերը գրեթե ամբողջությամբ շրջափակել են Օպերայի տարածքը` մի մասը սաղավարտներով, մյուսները` վահաններով, իսկ Լևոն Զուրաբյանը ժողովրդին կոչ է արել սպասել Մաշտոցի պողոտայում մինչև ինքը ոստիկանների հետ կբանակցի, և ժողովուրդը Օպերան կազատագրի:
Մեկնաբանել