Հայաստանի դեսպանները խաշի սեղանի շուրջ նստելուց բացի այլ բանի ընդունակ չե՞ն
Այսօրվա հանրահավաքի իր ելույթում նախկին վարչապետ Հրանտ Բագրատյանն անդրադարձավ նաև այս օրերին Արևելյան Եվրոպայի երկրներում (բացի Ռուսաստանից), տեղական հեռուստաընկերություններով Խոջալուի դեպքերի մասին պատմող ֆիլմերին, որոնք, ըստ նրա, եթեր են հեռարձակվում Ադրբեջանի դեսպանների կազմակերպմամբ, և որոնցում հայ ժողովուրդը ներկայացվում է իբրև «ցեղասպան»:
Հ. Բագրատյանը նշեց, որ ինքն անձամբ լավատեղյակ է Խոջալուի իրադարձություններին. ադրբեջանցիներին միջանցք է տրամադրվել, և հայերը ոչ մի խաղաղ բնակչի չեն սպանել: Բագրատյանի խոսքերով` մեր դեսպանները «խաշի սեղանի շուրջ նստելուց բացի այլ բանի ընդունակ չեն»: Իշխանություններին դիմելով` նախկին վարչապետն ասաց, որ այսքան ոստիկան բերելու փոխարեն «մի երկու կոպեկ փող ծախսեք և Սումգայիթի ու Խոջալուի դեպքերի մասին պատմող ֆիլմերով իրականությունը ցույց տվեք միջազգային հանրությանը»:
Մեկնաբանել