Թուրքիայի համալսարանի հայկական բաժինը դասախոս չունի
Կեսարիայի «Էրջիյես» (Erciyes) համալսարանում այս տարի բացվել է հայկական բաժին, որտեղ կարող են սովորել հայ երիտասարդներ, ինչպես նաև այլ ցանկացողներ:
Սակայն հայագիտական բաժնում դասավանդելու համար դեռևս դասախոս գտնել չեն կարողացել: Թուրքիայի կրթության և գիտության նախարարությունն է հոգում նորաբաց բաժնի ֆինանսական ծախսերը: Համալսարանի պրոռեկտոր Մեթին Հյուլագյուն մի քանի անգամ հայտարարել է, որը տեղը թափուր է, իսկ դասավանողի համար նշանակված է շուրջ 2400 դոլար աշխատավարձ, պրոֆեսորի կոչում ունենալու դեպքում` շուրջ 3500 դոլար: Համալսարանը հոգում է նաև դասախոսի կեցության հարցերը:
«IMC» հեռուստաընկերության մենեջեր, ստամբուլահայ Արիս Նալճը «Հետքի» հետ զրույցում ասաց, որ եթե դասախոս չգտնեն, բաժինը ֆինանսավորում չի ստանա և, բնականաբար, կփակվի:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանություններ (2)
Մեկնաբանել