Հայաստանում Եվրամիության պարվիրակությունը տարածում է հետևյալ հայտարարությունը Հայաստանում ԵՄ անդամ երկրների դիվանագիտական առաքելությունների ղեկավարների անունից Հայաստանում Եվրամիության երկրների դիվանագիտական առաքելությունների ղեկավարները ողջունում են հեռարձակման ոլորտը կարգավորող օրենքում առաջարկվող փոփոխությունների նախագիծը հասարակական քննարկումների առարկա դարձնելու կառավարության պատրաստակամությունը, ինչպես նաև այն փաստը, որ ներկայումս քննարկվող տեքստում արդեն իսկ տեղ են գտել որոշ դրական փոփոխություններ, որոնք համահունչ են Եվրոպայի խորհրդի, քաղաքացիական հասարակության և ԵԱՀԿ Մամուլի ազատության հարցերով ներկայացուցչի առաջարկներին: Օրենքն էլ ավելի միջազգային չափանիշներին համապատասխանեցնելու նպատակով, որն իր հերթին կհանգեցնի Հայաստանում մամուլի բազմակարծության և բազմազանության ընդլայնմանը, ԵՄ առաքելությունների ղեկավարները  խրախուսում են կառավարությանը և օրենսդիրներին` սերտորեն շարունակել աշխատանքները քաղաքացիական հասարակության, Եվրոպայի խորհրդի և ԵԱՀԿ փորձագետների հետ: