Վրացիները մերժել են նաեւ ամերիկացիներին
Թույլ չտալով հայ պատգամավորին մտնել Վրաստան
ՀՀ Ազգային ժողովի պատգամավոր, «Ջավախք» հայրենակցական միության նախագահ Շիրակ Թորոսյանն այսօր «Հենարան» ակումբի հյուրն էր: Անդրադառնալով Ջավախքի հայաթափման եւ վրացականացման նոր միջոցներին` նա խոսեց նաեւ իր` Վրաստան մուտք գործելու արգելքի մասին:
«Վերջերս Թիֆլիսում ԱՄՆ դեսպանատնից հրավեր ստացա` նրանց հետ ազգային փոքրամասնությունների, մասնավորապես` ջավախահայության հիմնախնդիրները քննարկելու համար: Հրավերը ներկայացրի Հայաստանում Վրաստանի դեսպանատուն: Սկզբում չհավատացին, անակնկալի եկան: Մեկ-երկու օր անց պատասխանեցին, որ, այնուամենայնիվ, Շիրակ Թորոսյանը չի կարող հատել հայ-վրացական սահմանը: Սա է իրականությունը»,- ասում է Շ. Թորոսյանը:
Վերջինիս խոսքերով` ՀՀ արտգործնախարարությունից նրան հավաստիացնում են, որ բոլոր առիթներով դիմում են վրացական իշխանություններին, բայց վերջիններս մնում են անդրդվելի` ակնարկելով, որ Թորոսյանը վտանգավոր է Վրաստանի ազգային անվտանգության համար:
Իսկ ամերիկացիները մերժման կապակցությամբ Թորոսյանին ասել են` մենք ավելին անել չենք կարող:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել