Այսօրվա մամուլի ասուլիսին Կենտրոնական բանկի նախկին նախագահ Բագրատ Ասատրյանը ներկայացրեց Հայաստանի ցորենի շուկայում մտահոգիչ գնաճը, որը պայմանավորեց ցորենի շուկայում առկա մենաշնորհներով: Ըստ նրա` հացի շուկան պետք է ազատականացնել: Բագրատ Ասատրյանի այս տեսակետին անդրադարձավ ասուլիսի մյուս բանախոսը` Ազգային ժողովի ՀՀԿ-ական պատգամավոր Վարդան Այվազյանը:

Պրն Այվազյան, պրն Ասատրյանն առաջարկեց ցորենի ներկրման շուկան ազատականացնել: Այդ մասին ի՞նչ կասեք:

Վարդան Այվազյան-Պրն Ասատրյանի ասածը ես կարող եմ վիճարկել, եթե էսպես փորձեմ: Իսկ ո՞վ ասաց, որ ազատականացում. էստեղ կա՞ որևէ մեկը, որ ցորեն է բերել, չեմ թույլ տվել, հը՞:

Ռիսկ չեն անում:

Վ.Ա.-Հիմա ի՞նչ անեմ: Այսինքն` ի՞նչ անենք, ռի՞սկ տանք: Ես, օրինակ, ռիսկ չեմ անում բերեմ, որովհետև մեծաքանակ գնում պիտի կատարես: Հետո, կան օբյեկտիվ և սուբյեկտիվ պատճառներ: Ցորենը` նաև որպես ռազմավորական մթերք, նաև անհրաժեշտ են լուրջ երաշխիքներ, որ դու պարտադիր ունենաս ներկրման ծավալները: Դա էլ եղել է շատ շուտ` էն ժամանակահատվածում, երբ որոշիչ դերակատարումներից երևի ավելի շատ Դուք եք ունեցել, քան թե ես:

Բագրատ Ասատրյան-Գոնե ցորենի հարցում, հացի գների հարցում...

Վ.Ա.-Չէ, էնպես չի, որ ես դեմ եմ քվեարկել: Էնքան բանի եմ ես դեմ քվեարկել, հիմա պատասխան եմ տալիս էստեղ` սրա հետ կապված: Էն որոշումների կայացման մեջ Դուք երևի շատ ավելի լուրջ դերակատարություն ունեիք, քան Ձեր խոնարհ ծառան: Չի կարելի ասել` «հիմա ես տերը չեմ»:

Բ.Ա.-Ես ուզում եմ ասել` ես էն վատ մարդն եմ, որ, հիշում եք...

Վ.Ա.-Վատ չեք, Դուք լավ մարդ եք, բայց, ցավոք սրտի, հիմա սկսում եք մեկ-մեկ...

Բ.Ա.-Ես իսկապես էն մարդկանցից էի, որ երբ կտրոնով էր հացը, ես էն ժամանակ Գերագույն խորհրդի նախագահության անդամ էի, սոցիալական հարցերի հանձնաժողովի նախագահ: Մի բավականին երկար շրջան անհաջող փորձեր էինք անում, էդ թվում նաև պատգամավորներն էին դրա մասնակիցը: Ես ինքս գնացել եմ, գործարանից հացի մեքենայով հացը ուղեկցել դեպի խանութ, խանութում հերթը փորձել կարգավորել: Եվ էդ ժամանակ էր, որ վճիռ կայացվեց գները և ընդհանրապես շուկան ազատականացվելու: Ես չեմ տա էդ վարչապետի անունը, բայց կանգնեց, ասաց` «միայն իմ դիակի վրայով»: Ես ոտքս դրեցի և 2 ամիս հետո...

Վ.Ա.-Դիակ դարձավ

Բ.Ա.-Դիակ չդարձավ, բայց 2 ամիս հետո հացի խնդիրը ՀՀ-ում լուծվեց շնորհիվ ազատականացման: Էն ժամանակ քվոտաներ ոչ մեկը չէր տվել: 94 թ-ին` մենածանր վիճակում (ճանապարհ չկար, գնացք չկար) մենք շատ ավելի լավ վիճակում էիք էս շուկայում ազատականացման տեսանկյունից, քան էսօր` 2010 թվականին: Սա շատ լուրջ մտահոգության առիթ է:

Վ.Ա.-Որովհետև 96-97 թ-ից մտավ մի հոգու ձեռքում մենաշնորհը, ինչի մասին որ հիմա ասում եք` «ինչքան վատն է»:

Բ.Ա.-Եթե ես երբևիցե մի հատ հիմարություն անեմ, երբեք մի կրկնի էդ հիմարությունը: Նախկինների հետ հիմիկվա պաշտոնյաների բանավեճի լեզուն է, ասում է. «Սրա հիմքը դուք եք դրել»: Այ ցավդ տանեմ, ես հիմարություն եմ արել, բայց ինչի՞ էս ժողովուրդը ձեր ձեռը պիտի էսօր կոտորվի: