ՀՀԿ-ն պաշտոնյաների փոփոխություն չի՞ նախատեսել
«Հետքի» հարցերին պատասխանում է ՀՀԿ փոխնախագահ Գալուստ Սահակյանը
Վերջին օրերին լուրեր են շրջանառվում, որ ՀՀԿ-ն փոխելու է իր մի քանի մարզպետներին: Արդյո՞ք «Հանրապետական» կուսակցությունը պաշտոնյաների փոփոխություն է անելու:
Նման խնդիր մեզ մոտ չի քննարկվել, եւ հետո` այն ինչ կառավարության խնդիրն է, կառավարությունն է անում, կուսակցությանն էլ` կուսակցությունը: Երկրի նախագահը, վարչապետը եւ կառավարության մի քանի անդամները ՀՀԿ անդամ են եւ նման խնդիրները քննարկվում են իրենց մոտ: Բայց առայժմ նման քննարկում չի եղել:
Իսկ Սյունիքի մարզպետ Սուրիկ Խաչատրյանն էլ չի՞ հեռացվի զբաղեցրած պաշտոնից, ինչի մասին մամուլը գրում է:
Չեմ տիրապետում նման ինֆորմացիայի, նրա պաշտոնավարման հարցը չի քննարկվել:
Համապետական ընտրությունները մոտենում եւ եւ դրա հետ կապված ՀՀԿ-ն նախատեսու՞մ է որոշակի պաշտոնյաների փոփոխություն:
Ոչ, որովհետեւ ընտրությունները մոտենում են, իսկ ընտրապայքարին դեռւես մի տարուց ավել ժամանակ կա:
Իսկ Ձեր կարծիքով` ԱԺ փոխնախագահ Արեւիկ Պետրոսյանի հրաժարականը կապված չէ՞ր գալիք ընտրությունների հետ:
Չեմ կարծում, ճիշտն ասած որեւէ ինֆորմացիա չունեմ, դա երեւի «Բարգավաճ Հայաստան» կուսակցության խնդիրն է:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել