Կառավարության շենքի մոտ իրավիճակը լարված է
Այս պահին կառավարության շենքի առջև իրավիճակը բավականին լարված է: Այստեղ բողքի ակցիա են անցկացնում այն վաճառականները, որոնց արգելվել է զբաղվել փողոցային առևտրով, բանակում զոհված զինծառայողների ծնողները և Հյուսիսային պողոտայի` իրենց տներից զրկված քաղաքացիները:
Ակցիային ժամը 11:00-ին պետք է մասնակցեին նաև վրացական համարանիշներով ավտոմեքենաների վարորդները, սակայն «Ժառանգություն» խմբակցության պատգամավոր Անահիտ Բախշյանը լրագրողներին հայտնեց, որ Գյումրիից և Վանաձորից վարորդներին թույլ չեն տալիս գալ Երևան: Ակցիան հսկում է մի քանի տասնյակ ոստիկան:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել