Հրավիրվում են դպրոցականներ` բլոգում գրելու համար
Դպրոցական կյանքի թոհուբոհին վերաբերվող, «Ես ուզում եմ փոխել իմ կյանքը» խորագրով բլոգը հրավիրում է բարձր դասարանի աշակերտների` գրելու իրենց դպրոցական առօրյայից:
Թեմաները կարող են լինել շատ տարբեր՝ սկսած սիրո պատմությունից, դրամահավաքությունից, դպրոցական բուֆետի վիճակից մինչև բռնություն` ինչպես դպրոցականների, այնպես էլ ուսուցիչների կողմից: Ստեղծագործ մոտեցումները ողջունվում են:
Կա դրամական ֆոնդ` խրախուսելու համար դպրոցականների ցանկությունը` գրել լավ, հավաստի և ուժեղ պատմություններ: Ամեն ամիս լավագույն գրառման հեղինակը կստանա 10.000 դրամ պարգև:
Հեղինակների հրապարակումներից լավագույնները կառաջարկվեն հայկական թերթերին:
Դպրոցականները կարող են գրել նաև պատմվածքներ: Ստեղծագործելու ցանկությունը խրախուսվում է: Եթե ծրագրի ավարտին հավաքվի գոնե 10 պատմվածք, հնարավոր է, որ անցկացվի նաև պատմվածքների մրցանակաբաշխություն:
Դպրոցականները կարող են գրել իրենց սեփական համակարգիչներից, սակայն հրապարակվելուց առաջ ադմինիստրատորը պարտադիր կարդալու և խմբագրելու է բոլոր գրառումները:
Նախագծի ավարտին` վեց ամիս հետո, կլինի ավարտական հանդիպում, որի ժամանակ լավագույն պատմություն գրողին կտրվի ավելի մեծ մրցանակ՝ թվային ֆոտոխցիկ:
Նախագիծը նախատեսված է 10 երեխա ընդգրկելու համար և հիմնականում գործելու է Երևանի դպրոցականների համար: Սակայն նոր հեղինակի գրելու ցանկությունը չի անտեսվի, իսկ մարզերից երեխաների մասնակցությունը խրախուսվում է:
Եթե քեզ հետաքրքրեց բլոգում համահեղինակ լինելու միտքը, զանգահարիր (095) 92 24 48 հեռախոսահամարով կամ գրիր [email protected] էլեկտրոնային հասցեով:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել