Գուցե մոռանան, չարտագաղթեն
ՀՀ միգրացիոն պետական ծառայության պետ Գագիկ Եգանյանը հայտարարել է, թե արտագաղթի հարցի շուրջ բարձրացած աժիոտաժն արհեստական է, որովհետեւ 2010-ին Հայաստանից հեռացել է ընդամենը 25 հազար մարդ:
«ՉԻ»- Իրականում արտագաղթի ծավալներն, իհարկե, ավելի մեծ են, բայց խնդիրը դա չէ: Ենթադրենք` Գագիկ Եգանյանը ճիտ է ասում, եւ իսկապես էլ մեկ տարվա ընթացքում Հայաստանից հեռացել է «ընդամենը» բնակչության մեկ տոկոսը: Նշանակու՞մ է արդյոք, որ իշխանությունը պետք է թքած ունենա դրա վրա: Պատկերացրեք` պատերազմի ժամանակ պատպանության նախարարը հայտարարել է, թե «մտահոգվելու կարիք չկա, որովհետեւ վերջին ամիսներին գերի է ընկել մեր բանակի ընդամենը մեկ տոկոսը` մոտ 700 զինվոր»: Չէ, մենք հասկանում ենք, որ արտագաղթի մեղավորը Գագիկ Եգանյանը չէ, բայց մեր մեջ ասած` իշխանությունները կարող էին փոքր-ինչ ավելի լրջորեն մոտենալ հարցին: Ի վերջո, եթե Հայաստանը դատարկվի, ու՞մ են թալանելու այդ իշխանությունները: Չնայած` մյուս կողմից էլ պրն Եգանյանն իրավացի է. ժամանակին ասում էր, չէ՞, վարչապետը, որ եթե ճգնաժամի մասին քիչ խոսենք, ճգնաժամ չի լինի: Հիմա էլ երեւի պետք է արտագաղթի մասին քիչ խոսել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել