Երեքշաբթի, 25 սեպտեմբերի

Աշխարհն ականատես կլինի Կառլսեն-Անանդ ռեւանշին



Խանտի-Մանսիյսկում տեղի ունեցավ շախմատի աշխարհի չեմպիոնի հավակնորդների մրցաշարի 13-րդ տուրը, որը ի հայտ բերեց հաղթողին: Ոչ-ոքի ավարտվեցին Կարյակին-Անանդ, Սվիդլեր-Մամեդյարով պարտիաները: Կրամնիկը սպիտակներով հաղթեց Տոպալովին, իսկ Անդրեյկինը` Արոնյանին: Հայ գրոսմայստերի պարտությունը Անանդի առաջ կանաչ լույս վառեց, եւ վերջինս, անկախ վերջին տուրի արդյունքներից, նվաճեց հաղթողի կոչումը, քանի որ մոտակա մրցակիցներից առաջ անցավ 1,5 միավորով: 

Արոնյանի անհաջող ելույթները երկրորդ շրջափուլում հերթական անգամ ապացուցում են հայ շախմատիստի դեռեւս անկայունությունը, որն ի հայտ է գալիս պատասխանատու այսպիսի մրցաշարերում: Այնինչ նույն Անանդը փայլեց կայունությամբ եւ չկրեց ոչ մի պարտություն. նա արժանիորեն նվաճեց իրեն գահընկեց արած Կառլսենին մարտահրավեր նետելու իրավունքը:

13-րդ տուրից հետո Անանդ ունի 8 միավոր, Արոնյանի վերջին անհաջողությունը նրան, կարելի է ասել, թանկ արժեցավ, քանի որ Կրամնիկը, Անդրեյկինը, Մամեդյարովը եւ Կարյակինը հավասարվեցին Լեւոնին` ունենալով 6,5 միավոր: Ավելին` լրացուցիչ ցուցանիշներով Կրամնիկն ու Անդրեյկինն առաջ անցան Լեւոնից: Անշուշտ, ցավալի է, քանի որ շատերը հենց Արոնյանին ու նաեւ Կրամնիկին էին համարում հաղթողի գլխավոր ֆավորիտ: Ընդ որում` Լեւոնը մրցաշարի էլո-ֆավորիտն էր: 

Վաղը ոչինչ չորոշող վերջին` 14-րդ տուրում կկայանան Արոնյան-Կարյակին, Անանդ-Սվիդլեր, Մամեդյարով-Կրամնիկ, Տոպալով-Անդրեյկին պարտիաները:

Լուսանկարը՝ candidates2014.fide.com


Գլխավոր էջ

Տպել    |  In English



Մեկնաբանություններ (2)
1. srivara21:18 - 29 մարտի, 2014
SPORTS MINISTRY FRIENDS-PLEASE WAKE UP TO THE TRUTH AT LEAST NOW. IN YOUR LIFE TIME HARDLY YOU CAN EXPECT A BETTER PERFORMANCE IN CHESS BY AN INDIAN. YOU HAVE ALREADY DELAYED CONFERING BHARATA RATNA AWARD ON VISHWANATHAN ANAND.
2. Նուբար Ասլանյան23:12 - 30 մարտի, 2014
Այո,Լեւոնը պարտվեց,կասեի բավական ծանր...Եւ ահա թե ինչ եմ ուզում ասել, հարց՝ արդյոք Հայաստանի ԱԱԾ-ից մարդիկ կցվե՞լ էին Լեւոնի թիմին:Ես լուրջ բան եմ խոսում:Նայելով նրա խաղացած մի քանի պարտիաներ,նրանցում թույլ տված կոպիտ սխալներով հանդերձ, ակամայից(թող ինձ ներեն)մտածում եմ սադրանքների մասին:Այսօր «բան մը չարժե»հեռվից ազդել մարդու հոգեբանության, մտածելակերպի վրա:Փաստեր կան՝ դեռ 80 ական թվերին Կարպովի դեմ աշխարհի առաջնության մրցապայքարում Կորչնոյը հայտարարեց դահլիճում նստած սովետական(Կորչնոյն արդեն«սովետական»չէր) էքստրասենսների ներկայության մասին:Կրամնիկ-Տոպալով մրցամարտի ժամանակ բոլորին հայտնի դարձավ Տոպալովի «շուտ շուտ զուգարան գնալը»,կասկած կար,որ նա հեռախոսով քայլեր է ստանում:Այսօրվա կատաղած 21-րդ դարում ամեն բան հնարավոր է:Դա է պատճառը որ հարցրեցի՝ արդյոք Հայաստանի ԱԱԾ-ից մարդիկ կցվել են Լեւոնի թիմին:Այսպիսի պատասխանատու խաղում դեռ Լեւոնը այսպես չէր սայթակել,այն էլ քանի քանի անգամ...ԱՓՍՈՍ:Ամեն դեպքում՝ Լեւոն ջան մենք քեզ հետ ենք,քանզի մեկա անգամ չէ,որ դու մեզ երջանիկ պահեր ես պարգեւել:Հուսանք շուտ կվերագտնես քո,լեւոնական խաղը:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ