Կիպրոսից փաստաթղթերը եկել են. դրանք մնում են նախաքննական տվյալներ
Կիպրոսի դատախազությունից «Հետքին» տեղեկացրել են, որ իրենք պատասխանել են Հայաստան գլխավոր դատախազի գրությանը: «Հայտնում ենք, որ հայցվող տեղեկատվությունը հանդիսանում է նախնական քննության տվյալ, և այս պահին հիշյալ տվյալների հրապարակումը՝ քրեական գործի շահերից ելնելով, անթույլատրելի է»,- Կիպրոսից ստացած փաստաթղթերի վերաբերյալ մեր հարցմանն այսպիսի պատասխան է տվել դատախազության աշխատակազմի հանրային կապերի վարչությունը:
Հիշեցենենք որ ՀՀ գլխավոր դատախազությունը դիմել էր Կիպրոսի դատախազությանը Աշոտ Սուքիասյանի, Տիգրան Սարգսյանի եւ Սամվել Կճոյանի անուններով Կիպրոսում գրանցված ընկերություններին առնչվող փաստաղթեր ձեռք բերելու նապատակով: Նախաքննական մարմինը՝ ոստիկանության քննչական գլխավոր վարչության ՀԿԳ վարչությունը, գլխավոր դատախազության միջոցով իրավական միջնորդություն է ներկայացրել Կիպրոսի իրավասու մարմիններին՝ պահանջվող փաստաթղթերի բնօրինակներն առգրավելու և նախաքննությանը տրամադրելու խնդրանքով:
Հենց այս փաստաթղթերով պետք է պարզվեր նախկին վարչապետ Տիգրան Սարգսյանի ստորագրության կեղծ կամ իրական լինելը: nyut.am կայքը ապրիլի 12-ին հրապարակել է մի ուշագրավ տեղեկություն: Կայքը հղում կատարելուվ իր աղբյուրին նշել է որ «ապրիլի 3-ին երկրի ղեկավարին է հանձնվել կիպրոսյան «օֆշորային փաստաթղթերի» տակ եղած Տիգրան Սարգսյանի ստորագրության դատաձեռագրաբանական փորձաքննության եզրակացությունը:
Մեկնաբանություններ (2)
Մեկնաբանել