HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սամվել Ավագյան

Գյուղատնտեսությունը ավելի քան 400 մլն դոլար պարտք ունի

Գյուղատնտեսության վարկային պորտֆելը 2014թ. փետրվարի դրությամբ կազմում է մոտ 168 մլրդ դրամ (համարժեք է մոտ 410 մլն դոլարին): Եթե հաշվի առնենք, որ ՀՀ-ում մոտ 300 հազ. գյուղացիական տնտեսություն կա, ապա յուրաքանչյուրի պարտքը կկազմի մոտ 1360 դոլար: Սակայն մեր դիտարկումներով՝ վարկային պարտավորություններ ունեն գյուղացիական տնտեսությունների մոտ կեսը, այսինքն՝ յուրաքանչյուր գյուղացիական վարկառուի պարտքը մոտ 3000 դոլար է: Սա փոքր գումար չէ՝ հաշվի առնելով փոքր գյուղացիական տնտեսություններն ու սեզոնային ռիսկերը:

Գյուղացիներն իրենց վարկերի 74%-ը ստացել են բանկային համակարգից, որտեղ հիմնական դերակատարումը պատկանում է «ԱԿԲԱ-ԿՐԵԴԻՏ ԱԳՐԻԿՈԼ Բանկ»-ին: Մնացած վարկերը տրամադրում են վարկային կազմակերպությունները, որոնցից ակտիվ են «Արեգակը», «Ֆինքան», «Սեֆ ինթերնեյշնլ»-ը, «Ֆաստ կրեդիտ կապիտալ»-ը, «ՔԱՐԴ ԱգրոԿրեդիտը»: Հատկանշական է, որ բանկային համակարգը վարկերի մեծ մասը տրամադրել է ամերիկյան դոլարով, իսկ վարկային կազմակերպությունները՝ հայկական դրամով: Պատճառն այն է, որ վարկային կազմակերպությունների մոտ դոլարային վարկերի տոկոսադրույքը բավական բարձր է՝ 16-18%, բանկերի մոտ դա 14-16% է: Դրամային վարկերի տոկոսադրույքը, ըստ կազմակերպությունների պաշտոնական կայքերի, առավելագույնը կարող է հասնել 24%-ի, սակայն իրականում դրանք կարող են ավելի բարձր լինել: Գարնանային գյուղատնտեսական աշխատանքների պիկ սեզոնին վարկերի տոկոսադրույքը երբեմն գերազանցում է 30%-ը:

Հարկ է նշել, որ վարկային կազմակերպությունների վրա չի տարածվում ՀՀ կենտրոնական բանկի կողմից սահմանվող վարկի առավելագույն տոկոսադրույքի նորմը, որը ներկայում տարեկան 24% է, ուստի վարկային կազմակերպությունները շատ ավելի անկաշկանդ են վարկի բարձր տոկոսադրույքներ սահմանելիս: Բացի այդ՝ գյուղատնտեսությունը վարկային կազմակերպությունների համար ավելի կարևոր ուղղություն է վարկավորման տեսանկյունից: Գյուղատնտեսության վարկավորումը բանկերի վարկավորման 7%-ն է, իսկ վարկային կազմակերպությունների՝ 21%-ը:

Վերջին տարիներին ՀՀ կառավարությունը սկսել է սուբսիդավորել գյուղատնտեսական վարկերը՝ բանկային համակարգի միջոցով (հիմնականում «ԱԿԲԱ-ԿՐԵԴԻՏ ԱԳՐԻԿՈԼ Բանկի»): Բանկը պարտավորվել է գյուղացիական վարկը տրամադրել տարեկան 14%-ով, իսկ կառավարությունն այն սուբսիդավորում է 4-6%-ով (փաստացի գյուղացին վարկը ստանում է 10%-ով, իսկ սահմանամերձ գյողերում՝ 8%-ով):

Այս ծրագրով տարեկան սուբսիդավորվում է մոտ 10 մլրդ դրամի վարկային փաթեթ, ինչը զգալի մեղմացնում է վարկային ճնշումը: Սուբսիդավորումը նաև հանգեցրել է գյուղատնտեսության վարկային պորտֆելի էական աճի: Սակայն գյուղացիական տնտեսությունների վարկի նկատմամբ պահանջարկը դեռեւս բավական բարձր է, ինչը նպաստում է այս ոլորտում որոշ սպեկուլյատիվ գործարքների տարածմանը: Ընդհանուր առմամբ, գյուղացիների վարկային պորտֆելը ներկայում մոտ 10 անգամ գերազանցում է 2007թ. մակարդակը:

Գյուղատնտեսության վարկային պորտֆելը 2007-2014 թ., փետրվարի դրությամբ, մլրդ դրամ

Create Infographics

Մեկնաբանություններ (1)

barséghian
Barz tapandzik !!! ankan charounagvé as féodalagan kura karakaganoutioun, oligarknérou dzérkérou, Artfood, Sergo karapétian (xentrém kradendésoutian naxarar), payadér Abrahamian, as horaspanoutiou, azgaspanoutioun ge charounagvé, yérgir ge barbevé, orér ge lekvén as oligarknérou dzérkéroun, horayn nor ichxanéroun vor g'ourédznén jarang 3, 4, 5 sérounti tébi ardasahman tramadounéroun.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter