Ջավահիր Եղիազարյան

Այսօր երեկոյան՝ ժամը 18-ի սահմաններում, Արմավիրի մարզի Ջանֆիդա համայնքում ավելի քան 15 րոպե տեղացած կարկուտը տերևաթափ է արել արդեն ցրտահարված այգիները, կոտրել խաողի վազերը: Ջանֆիդայում գյուղատնտեսական տարին առանց կարկտի մտավախության պետք է մեկնարկեր, քանի որ այս համայնքում տասը հակակարկտային կայան է գործում:

Ջանֆիդայի համայնքապետ Ռաֆիկ Եղիազարյանը մեզ հետ զրույցում նշեց, որ բոլոր կարկտակայաններն էլ ճիշտ ժամանակին կրակել են: «Եթե չկրակեին, երևի կարկուտն ավելի ուժեղ կգար»,- ասաց համայնքապետը:

Նրա խոսքերով՝ գյուղացիներին պատճառված վնասի չափը ակնհայտ կդառնա միայն առավոտյան՝ արևային եղանակից հետո: Նշենք, որ Ջանֆիդա համայնքում եղանակային անբարենպաստ պայմանների հետևանքով ցրտահարությունից 100 տոկոսով վնասվել են ծիրանի, կեռասի և սալորի այգիները: