«Ճանապարհային երթևեկության կանոնների խախտումների համար վարչական պատախանատվությունը, ճանապարհային անվտանգության ապահովման միջոցների կիրառումը և ավտոկայանատեղերի գործունեության կազմակերպումը» թեմայով խորհրդարանական լսումների ժամանակ ՀԱԿ խմբակցության պատգամավոր Նիկոլ Փաշինյանը հայտարարեց՝ 2 տարվա ընթացքում տեղադրված արագաչափերի միջոցով քաղաքացիները տուգանվել են 11 մլրդ դրամի չափով: Նա նշեց, թե նույն տուգանքներից  «Սեքյուրիթի Դրիմ» ՍՊԸ-ն և նրա ստվերային հովանավորները 5,8 մլրդ դրամի օգուտ են ստացել։

Նա անդրադարձավ այն հայտարարություններին, թե տեսախցիկները բարելավել են ճանապարհային անվատանգությունը, մասավարապես նվազել են մահվան ելքով դեպքերը: Այս առնչությամբ ՀԱԿ պատգամավորը նկատեց, որ նման պնդում ներկայացնելու համար համակարգի ներդման ջատագովները բերում են 2011թվականի ՃՏՊ-ների հետևանքով մահվան ելքերի վիճակագրությունը։ Նիկոլ Փաշինյանը խորհուրդ տվեց այդ տվյալները համեմատել 2010թվականի վիճակագրության հետ, և տեսնել, որ կա մահվան ելքով դեպքերի աճ:

Նրա խոսքով՝  ոստիկանությունը փոխել է ՃՏՊ-ների հետևանքով մահացածների հաշավառման կարգը, ուստի, ըստ նրան, անվտնագության հարցով պնդումները կասկածելի են դառնում:

Նա ևս նշեց, որ տուգանքների համար սահմանված գումարը անհամաչափ է, ապա ասաց, թե օրինակ 12 կմ/ժամ արագությամբ և 30կմ/ժամ արագությամբ վարման դեպքերում տուգանքների չափը կազմում է 30 հազար դրամ, ինչն անհիմն է։

Ինչ վերաբերում է գծանշաններին և դրանց որակին, ապա Նիկոլ Փաշինյանը հայտարարեց. «Սա ոչ թե գծանշում է, այլ փողոցի կետրոնում լարված թակարդ, որ ժողովուդը գա ու մտնի թակադի մեջ»: Ըստ նրան՝ նշաններ կան, որոնք տեղադրված են այնտեղ, որտեղ բնակավայր չկա, կան նաև ոչ գծանշված վայրեր, որ վարորդը չիմանա ու խախտում կատարի։

«Սեքյուրիթի Դրիմ» ՍՊԸ-ին ուղղելով իր խոսքը, ՀԱԿ պատգամավորը նշեց, թե այդ կազմակերպության հետ համապատասխան պայմանագիր կնքելուց հետո 2 տարվա ընթացքում քաղաքացու վրա 11 մլրդ դրամի լրացուցիչ ֆինանսական ճնշում է եղել։ «Եթե մինչ «Սեքյուրիթի Դրիմ»-ը այդ 11 մլրդ դրամով երեխաներն էր պահում, հիմա արդեն «Սեքյուրիթի Դրիմ»-ին ու նրա ստվերային հովանավորին են պահում, որոնց երեխաների բերանից կտրել են ու 5,8 մլրդ դրամի օգուտ են ստացել»,-ասաց նա։

Նա նաև հայտարարեց, թե բոլոր իրավախախտները պետք է օրենքի առաջ հավասար լինեն, ապա ասաց, թե երեկ իր աչքով տեսել է՝ ինչպես ՀՀ վարչապետ Հովիկ Աբրհամյանի մեքենան սխալ երթևեկել, խախտել երթևեկության կանոնները ու հարց հնչեցրեց. «Հիմա տուգանելո՞ւ եք նրան: Հիմա դուք ուզում եք ասել, որ տուգանելու եք Հովիկ Աբրահամայանի՞ն, նրա մեքենայի առաջին համար չկա, էտ ո՞նց եք ճշտելու՝ ում մեքենան է ու ո՞նց եք տուգնալու։ Մենակ Հովիկ Աբրահամյանը չի, ԱԺ Նախագահը, վարչապետը, Ամենայն հայոց հայրապետը, չգիտեմ ով, ով... ոնց ասես քշում են այդ մարդիկ, հիմա բոլորը հավասա՞ր են, թե՞ ոմանք ավելի հավասար են, հայտնի առակի տրամաբնությամբ»,-եզրափակեց պատգամավորը: