PayPal («Փեյփալ») հաշվին եղած գումարն արդեն կարելի է կանխիկացնել Հայաստանում՝ Idram («Իդրամ») ծառայության միջոցով: Գործում է paypal.idram.am կայքը, որտեղ նշելով ստացողի անունը՝ վայրկյանների ընթացքում հնարավոր է իրականացնել PayPal-ի կանխիկացման գործարքը: Շուտով հնարավոր կլինի նաև հակառակ գործընթացը՝ PayPal դրամապանակի լիցքավորում Idram հաշվից:

Այս մասին հայտնում է Ինֆորմացիոն տեխնոլոգիաների ձեռնարկությունների միությունն իր պաշտոնական հաղորդագրությունում:

Բացի Paypal-ից, «Իդրամ»-ի միջոցով արդեն հասանելի են նաև Google Wallet և WebMoney վճարային համակարգերը: Ընկերությունը տեղեկացնում է, որ առաջիկայում միջազգային այլ փոխանցման համակարգերը նույնպես շատ ավելի հասանելի կլինեն Հայաստանում՝ «Իդրամ» հայկական էլեկտրոնային վճարային համակարգի և «Իփրայմ Գլոբալ»  (ePrime Global) ամերիկյան կազմակերպության միջև համագործակցության շնորհիվ: