Լիոնում բացվեց ՀՀ գլխավոր հյուպատոսությունը
Երեկ Լիոնում բացվել է ՀՀ գլխավոր հյուպատոսությունը, որին ներկա են գտնվել ԱԳ նախարար Էդվարդ Նալբանդյանը, Լիոնի քաղաքապետ Ժերար Կոլոմբը, Շառլ Ազնավուրը, Ֆրանսիայի խորհրդարանականներ, քաղաքական, հասարակական և մշակութային այլ գործիչներ:
Հիշեցնենք, որ Լիոնի գլխավոր հյուպատոսը Ռուսաստանի ամենահարուստ հայերից, «Ռեսո» ապահովագրական ընկերության համահիմնադիր Նիկոլայ Սարկիսովն է:
ՀՀ արտաքին գործերի նախարարության պաշտոնական հաղորդագրության համաձայն՝ նախարար Էդվարդ Նալբանդյանը կարևորել է Լիոնում ՀՀ գլխավոր հյուպատոսության հիմնումը՝ նշելով, որ Լիոնը և Ռոն-Ալպի տարածաշրջանը կարևոր դերակատարություն ունեն հայ-ֆրանսիական առանձնաշնորհյալ հարաբերությունների և բազմաբովանդակ համագործակցության զարգացման գործում։
Գլխավոր հյուպատոսության բացման արարողությանը ելույթներով հանդես են եկել նաեւ Ռոն-Ալպի պրեֆեկտ Ժան-Ֆրանսուա Կարենսոն, Լիոնի քաղաքապետ, սենատոր Ժերար Կոլոմբը, Ռոնի գլխավոր խորհրդի նախագահ Դանիել Շուզեվիլը:
Մեկնաբանել