Արգելվել է «Լոռի» պանրի արտադրությունը
Սննդամթերքի անվտանգության պետական ծառայության ստուգման արդյունքում հայտնաբերվել է, որ «Կումայրի կաթ» ՍՊԸ-ի կողմից արտադրվող «Լոռի» պանիրը վտանգավոր սննդամթերք է թողարկում: Մասնավորապես աղիքային ցուպիկի մանրէների (ԱՑԽՄ) և ոսկեգույն ստաֆիլակոկ ցուցանիշներով այս արտադրատեսակը չի համապատասխանում ՀՀ կառավարության 2006 թվականի դեկտեմբերի 21-ի «Կաթին, կաթնամթերքին և դրանց արտադրությանը ներկայացվող պահանջների տեխնիկական կանոնակարգը հաստատելու մասին» N 1925-Ն որոշմամբ սահմանված պահանջներին:
Համաձայն ՀՀ սննդամթերքի անվտանգության պետական ծառայության պաշտոնական հաղորդագրության՝ ընկերությանը տրվել է հանձնարարական՝ վերացնելու հայտնաբերված խախտումները, արտադրության տեխնոլոգիական գործելակարգը և տեխնոլոգիական գործընթացն իրականացնել տվյալ արտադրանքի համար հաստատված տեխնոլոգիական հրահանգին համապատասխան:
Խախտումների վերացման ժամկետ է սահմանվել մինչև 2014 թվականի օգոստոսի 10-ը:
Մեկնաբանել