Ձերբակալվել է ոստիկանության Մաշտոցի բաժնի աշխատակիցը
Հունիսի 11-ին ոստիկանության Արաբկիրի բաժնում հայտարարություն տված քաղաքացին ներկայացրել է նաև տեսաերիզ: Տեսահսկող սարքերը ֆիքսել են գողության փորձը, ինչի հիման վրա Արաբկիրի քննչական բաժնում հարուցվել է քրեական գործ: Գողության փորձը կատարվել էր ոստիկանի տնից:
Նկարահանումների ուսումնասիրությունից պարզվել է, որ գողության փորձ կատարողներից մեկի կողքից կախ նկատվում է ատրճանակ: Սա ոստիկանության աշխատակիցներ համար հիմք է տվել ենթադրելու, որ գողություն կատարողները կարող են լինել ոստիկաններ:
Ոստիկանության ներքին անվտանգության վարչության հետ համատեղ ձեռնարկված նիջոցառումների արդյունքում այս տեղեկությունը հաստատվել է: Գողություն կատարողներից մեկը` նախկին, մյուսը գործող ոստիկան է եղել: Իսկ գործող ոստիկանը ոստիկանության Մաշտոցի բաժնի քրեական հետախուզության բաժանմունքի օպերլիազոր Գ.Մ.-ն է: Առգրավվել են ճանապարհների տեսահսկող սարքերի նկարահանումներ: Այդ նկարահանումները օգնել են պարզելու, որ նախկին և գործող ոստիկանները նախ սպասել են են մինչև տանտիրոջ մեքենան հեռանա, հետո իրենց մեքենայով կայանել տնից քիչ հեռու, մտել բակ, մոտեցել պատուհանին և փորձել բացել այն` կիրառելով տեխնիկական միջոցներ: Այնուհետև նրանք հեռացել են` հարևան բակից լսելով ձայներ: Մաշտոցի բաժնի քրեական հետախուզության բաժանմունքի օպերլիազոր Գ.Մ-ն ձերբակալվել է, իսկ լիազորությունները ոստիկանության պետի հրամանով կասեցվել են: Քրեական գործով նախաքննությունը շարունակվում է հատուկ քննչական ծառայությունում:
Լուսանկարը` տեսանյութից:
Մեկնաբանություններ (1)
Մեկնաբանել