ՀՀ բնապահպանության նախարար Արամայիս Գրիգորյանը հրաման է ստորագրել` 2014 թ. ջրային տարածքներում որսի չափաքանակները սահմանելու մասին: Այս իրավական ակտով սահմանվել է 2014 թվականի ընթացքում հանրապետության ջրային տարածքներում որսի թույլատրելի հետևյալ չափաքանակները. կարաս՝ մինչև 100 տոննա, 2.Ծածան՝ մինչև 50 տոննա, 3.Խեցգետին՝ մինչև 2500 տոննա:

Հրամանով ուժեղացվելու է հսկողությունը իշխանի, կողակի և սիգի ապօրինի որսի և վաճառքի կանխարգելման ուղղությամբ՝ համագործակցելով ՀՀ իրավապահ մարմինների հետ: ՀՀ ԲՆ աշխատակազմի կենսառեսուրսների կառավարման գործակալության պետին հանձնարարվել է կենդանական պաշարների օգտագործման մասին պայմանագրերի կնքման գործընթացը կազմակերպելիս առաջնորդվել հրամանով սահմանված չափաքանակներով: Այս մասին հյատնում է բնապահպանության նախարարությունը: