Երկուշաբթի, 24 սեպտեմբերի

Հայաստանի հավաքականն աշխարհում 36-րդն է



Այսօր ՖԻՖԱ-ն հրապարակել է ազգային հավաքակաների դասակարգման հերթական ցուցակը, որտեղ Հայաստանի ֆուտբոլի հավաքականը 36-րդ տեղում է: Մեր թիմը նախորդ ամսվա համեմատ առաջադիմել է 5 տեղով:

Համաշխարհային ցուցակը գլխավորում են աշխարհի չեմպիոն գերմանացիները, երկրորդն ու երրորդը աշխարհի առաջնության մրցանակակիրներն են՝ Արգենտինան եւ Հոլանդիան: Լավագույն 10-նյակում են Կոլումբիան, Բելգիան, Ուրուգվայը, Իսպանիան, Բրազիլիան, Շվեյցարիան, Ֆրանսիան:

«Եվրո-2016»-ում Հայաստանի մրցակիցներից լավագույն ցուցանիշն ունի Պորտուգալիան՝ 11-րդ տեղ: Դանիան 26-րդն է, Սերբիան՝ 31-րդը: Ալբանիան 70-րդն է, իսկ տանտեր ֆրանսիացիները, որոնք հանդես են գալու այս թիմերի հետ խմբից դուրս հաշվարկով, ինչպես նշվեց, 10-րդն են:

Նախկին ԽՍՀՄ-ից լավագույնը Ուկրաինան է (22), որին հաջորդում է Ռուսաստանը (23), մյուս հավաքականները Հայաստանից ավելի ցածր տեղերում են: Մասնավորապես, ուզբեկները 51-րդն են:

Տարածաշրջանում լավագույնը Թուրքիան է (32), Իրանը 48-րդն է, Ադրբեջանը՝ 73-րդը, Վրաստանը՝ 95-րդը:

Հաջորդ աղյուսակը կհրապարակվի սեպտեմբերի 18-ին:   


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ