HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Վարչապետի՝ հավասար տնտեսական դաշտում գործելու կոչերը նրա կնոջ վրա չեն ազդում

Արարատի մարզի Մրգավետ գյուղում գործող «ART city» սուպերմարկետն այն տասնյակ բիզնեսներից մեկն է, որը պատկանում է Հովիկ Աբրահամյանի ընտանիքին: Երկհարկանի սուպերմարկետի հիմնադիրը «Արտաշատ Սիթի» ՍՊԸ-ն է: Այս տարվա ապրիլից ՍՊԸ-ի 100 % բաժնետեր է դարձել վարչապետի կինը՝ Ջուլիետա Աբրահամյանը:

Սուպերմարկետում առեւտուրը եռում էր: «Ստուգողական» նպատակներով ջուր գնեցինք, եւ վաճառողուհին առեւտրի դիմաց տրամադրեց ոչ թե ՀԴՄ, այլ ներքին հաշվարկի կտրոն: Մոտ մեկ ժամ անց վարչապետի կնոջ սուպերմարկետից դարձյալ ջուր գնեցինք: Վաճառողուհին, ջրերը տեղավորելով պոլիէթիլենային տոպրակի մեջ, զարմացած հայացքով նայեց մեր ուղղությամբ, հավանաբար մտածելով, թե ինչու ենք սպասում: «ՀԴՄ կտրոն չե՞ք տալիս»,- հարցնում եմ նրան: Առանց որեւէ խոսքի, մի անկյունում «լքված» ՀԴՄ ապարատից տպեց կտրոնը եւ գցեց սեղանին:

ՀԴՄ կտրոնի վրա ֆիքսված էր առեւտրի ժամը՝ 13.10: Հենց այդ ժամին օրվա առաջին կտրոնը մեզ է տրամադրվել: Ակնհայտ է, որ վարչապետի կնոջ սուպերմարկետը, ՀԴՄ կտրոն չտրամադրելով, թաքցնում է իրական առեւտրաշրջանառությունը, հակառակ դեպքում, ի՞նչ լուծում ունի այն հանելուկը, որ սուպերմարկետը մեկ ժամվա կտրվածքով հաճախորդների պակաս չի ունեցել, սակայն նրանցից ոչ մեկին ՀԴՄ կտրոն չի տրամադրվել:

Ընդհանրապես վարչապետի հայրենի Մխչյան գյուղի եւ Արտաշատ քաղաքի խանութներում միայն պահանջելուց հետո էին ՀԴՄ կտրոն տրամադրում, եւ այդ մասին դժվար թե հարկային մարմինների պատասխանատուները տեղյակ չլինեին:

Այս տարվա մայիսի 9-ին «Հաղթանակ» զբոսայգում վարչապետ Հովիկ Աբրահամյանը տեսախցիկների առջեւ լրագրողներին վստահեցնում էր, որ հավասար տնտեսական դաշտ է ստեղծելու բոլորի համար: Վարչապետը խոստացել էր ամեն ինչ անել, որպեսզի յուրաքանչյուր ներդրող, գործարար հասկանա եւ տեսնի իրականում, որ տնտեսական դաշտում բոլորը հավասար են:

«Դա, իհարկե, դժվար է լինելու, շատ-շատ մեր մերձավորներին փորձելու ենք ցավացնել, նեղացնել, բայց մենք գնալու ենք այդ քայլին: Այլընտրանք մենք չունենք: Դա պետք է բոլորը հասկանան, իմ մերձավորները պետք է հասկանան, որ ես ինձանից եմ սկսելու, եւ դա ինձ համար լինելու է սկզբունքային»,- ասել էր Հովիկ Աբրահամյանը: Վարչապետը գրեթե նույն միտքը կրկնել էր նաեւ մայիսի 15-ի կառավարության նիստի ժամանակ:

Վարչապետի խոսքերն այդպես էլ կյանքի չկոչվեցին: Տեսախցիկներից հեռանալուց հետո նա մոռացավ, որ եւ ինքը, եւ իր մերձավորները պետք է գործեն նույն տնտեսական դաշտում, ինչ, օրինակ, սահմանամերձ Վահան գյուղի խանութի սեփականատերը:

Ի՞նչ կլիներ «թիկունք» չունեցող մի փոքր ու միջին բիզնեսով զբաղվող գործարարի հետ, եթե նա ՀԴՄ կտրոն չտրամադրեր. հարկային տեսուչներն անմիջապես «նեղը» կգցեին նրան, բայց քանի որ Ջուլիետա Աբրահամյանը, հանձին վարչապետ ամուսնու, մեծ թիկունք ունի, նույն գործընթացը նրա հետ չի կարող կատարվել:

Ահա, սա է վարչապետի խոստացած հավասար տնտեսական դաշտը. այդ ամենը Հովիկ Աբրահամյանն իրենից է սկսում՝ ցուցաբերելով խիստ սկզբունքայնություն:

Մեկնաբանություններ (6)

Nazareth
This is why I left Armenia father 5 years trying to work honestly, I had signs all over my store claiming the sign reads in Armenian, English, and Russian. If any one of our employees forgets to give you a receipt please call the owner at such and such number and your purchase will be free of charge , the employee will be fired on the spot, we follow the rule of the land must be respected. For almost 3 months thr revenue people undercover made purchase from our store and several hours later came back identified themself with reciet in hand returned the purchase they have made and asked for the money back. And one day the John hovanesian the man in charge of my district revenue chief asked me to take the signs out because I am from diaspora and working very honestly and he is not making any money out of me, you see he explained to me I am at this job coast me money to get it and I need kick back make money before they replace me, so your honesty does not work here in Armenia even thou I know you are honest man.
From Germany
Just Perfect Article! Excellent Job Hetq.am! We are proud of you.
Rwuzan
Հարգելի Donara Aleksanyan,Վաճառողին արդեն շատ ավելի մատչելի բացատրել են, որ կտրոն տրամադրելու դեօքում վարչապետը նույն ձեւով կհարստանա, իսկ այդ վաճառողը կզրկվի իր ցածր աշխատավարձից եւ հաստատ պակաս չքավոր չի դառնա:
GB
Like a French carousel, one corrupted minster is out and the other one is in.
US Internal Revenue Service
Beautiful and honest piece of journalism. I just wished the reporter recorded multiple violations with other products and other cahiers. It is worth going back to the same market and following up with other reporters. Good work Hetq and shame on the prime minister for understating his revenue and tax obligations to the state.
Aram
Երևի չգիտեն, որ հուլիսի 1-ն եկել ու անցել ա:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter