HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արմեն Մովսիսյանը չի ներկայացել քիմպրոմցիների հետ խոստացած հանդիպմանը

Այսօր ժամը 14:00-ին իրենց 11 ամիսների աշխատավարձի պահանջով «Վանաձոր-Քիմպրոմի» աշխատողները կրկին հավաքվել էին Լոռու մարզպետարանի մերձակա հրապարակում: Հավաքվածները մեկ ժամից ավելի սպասել են ՀՀ նախագահի խորհրդական Արմեն Մովսիսյանին, ով երեկ խոստացել էր գալ, բայց այդպես էլ չներկայացավ քիմպրոմցիներին հետ այսօրվա հանդիպմանը:

Գործարանի ամոնիակի արտադրամասի հերթափոխի պետ Հրաչիկ Մարտիրոսյանը «Հետքին» հաղորդեց, որ Արմեն Մովսիսյանի փոխարեն «Քիմպրոմի» աշխատողներին հանդիպել է Լոռու մարզպետ Արթուր Նալբանդյանը: «Մարզպետը մեզ տեղեկացրեց, որ մեր աշխատավարձի խնդիրը քննարկել է ինչպես վարչապետ Հովիկ Աբրահամյանի, այնպես էլ Արմեն Մովսիսյանի հետ: Արմեն Մովսիսյանը խոստացել է եկող շաբաթ մեզ վճարել ևս մեկ ամսվա աշխատավարձ: Նա խոստացել է նաև մեկ շաբաթ հետո աշխատողներիս ներկայացնել մեր մնացած աշխատավարձը մինչև տարեվերջ վճարելու ժամանակցույց»,- ասաց Հ. Մարտիրոսյանը: Վերջինիս փոխանցմամբ` քիմպրոմցիները մեկ շաբաթով հետաձգել են իրենց բողոքի ցույցերը: 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter