HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դատապարտյալները սիրիահայերի հետ բնական կանաչ խոտ կարտադրեն

ՀՀ արդարադատության նախարարությունը տեղեկացնում է, որ 2007 թվականից Վերնիսաժում գործում է «Բանտային արվեստ» տաղավարը, որտեղ պարբերաբար ցուցադրվում ու վաճառվում են դատապարտյալների ձեռքի աշխատանքները: Այս յուրօրինակ տաղավարը խթան է դարձել դատապարտյալների՝ անազատության մեջ օգտակար զբաղմունք ունենալու ու նաև բարոյական-հոգեբանական կապը ազատության հետ պահելու համար:

Սեպտեմբերի 16-ին տաղավար էր այցելել  «Աջակցություն դատապարտյալին» հիմնադրամի տնօրեն Խաչատուր Տոնոյանը: Հիմնադրամի տնօրենի խոսքով` քրեակատարողական վարչության հետ համատեղ դատապարտյալների շրջանում ուսումնասիրվում և բացահայտվում են մասնագետներ, որոնց փորձն ու հմտությունը կարելի է կիրառել հետագա ծրագրերում: Վերջին կիսամյակում դատապարտյալների շրջանում զբաղվածություն են ունեցել մոտ 100 հոգի, որոնք հիմնականում ներգրավված են եղել քրեակատարողական հիմնարկներում գործող մեղվաբուծական, արհեստագործական, գյուղատնտեսական աշխատանքներում և հացի արտադրամասում:

Նա նշել է նաև, որ հիմնադրամն ունի մեծ պոտենցիալ, և պատիժը կրելու ընթացում դատապարտյալին հնարավորություն է տրվում մասնագիտություն ստանալ:

Վերնիսաժի «Բանտային արվեստ» տաղավարում դատապարտյալների աշխատանքից ստացված վաճառքի հասույթը, համաձայն դատապարտյալի հետ կնքված պայմանագրի, հատկացվում է նրա ընտանիքին կամ փոխանցվում է նրա հաշվեհամարին:  Օրինակ` ձեռագործ գորգերից դատապարտյալի հասույթը կազմում է 3000 ՀՀ դրամ, համրիչներից՝ 1000 ՀՀ դրամ, ջութակներից` մոտ 5000 ՀՀ դրամ»,- տեղեկացրել է հիմնադրամի տնօրենը, նշելով, որ գները տատանվում են աշխատանքի որակից և չափսից կախված:

Խ. Տոնոյանի փոխանցմամբ` սիրիահայերի հետ համատեղ բնական կանաչ խոտի արտադրություն ծրագիր է իրականացվում (ամառ-ձմեռ), որտեղ էլ հիմնականում օգտագործվելու է դատապարտյալների աշխատուժը: Ընհանուր առմամբ, «Աջակցություն դատապարտյալին» հիմնադրամը նպատակ ունի զարգացնել քրեակատարողական ծառայության սոցիալական ոլորտը, ու բացի դատապարտյալներին աշխատանքով ապահովելը` նպաստել նաև ծառայության  աշխատակիցների մասնագիտական և դատապարտյալների կրթական մակարդակի բարձրացմանը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter