HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Առեւտրականները փակեցին Տիգրան Մեծի պողոտան

Այսօր առավոտից Երեւանի մի քանի տոնավաճառների հարյուրավոր առեւտրականներ բողոքի ցույց են անում կառավարության շենքի դիմաց: Ցույցի մասնակից առեւտրականները փակել էին Տիգրան Մեծի պողոտան: «Ոսկու շուկա», «Ռոսիա», «Հրազդան», Մալաթիայի եւ Նորքի տոնավաճառներում առեւտուր իրականացնող քաղաքացիները դեմ են այս տարվա հոկտեմբերի 1-ից ուժի մեջ մտնող «Շրջանառության հարկի մասին» ՀՀ նոր օրենքին:

 

Այս օրենքը սահմանում է, որ յուրաքանչյուր ապրանք պետք է գույքագրվի եւ հարկվի առանձին: Առևտրային կազմակերպությունների համար շրջանառության հարկը փոխարինում է ԱԱՀ-ին և/կամ շահութահարկին: 

Առեւտրականները նշում են, որ ամբողջ ապրանքը գույքագրելու համար իրենք պետք է մեծ ժամանակ ու ռեսուրսներ ծախսեն: Բացի այդ` խոշոր ընկերություններից գնում կատարելու դեպքում` ապրանքի վերաբերյալ փաստաթղթեր չեն ստանում, որ հետո կարողանան ներկայացնել հարկային մարմիններին:

Այս պահին Հովիկ Աբրահամյանն ընդունել է ցուցարարներից բաղկացած 20 հոգանոց խմբին, ում հետ քննարկում են «Շրջանառության հարկի մասին» օրենքին առնչվող նրանց մտահոգությունները:  

Լուս.` Նարեկ Ալեքսանյանի 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter