Այսօր Սերժ Սարգսյանը հյուրընկալել է Հունաստանի նախագահ Կարոլոս Պապուլիասին: Հանդիպման ընթացքում Սարգսյանը երախտագիտություն է հայտնել Հունաստանի իշխանություններին և ժողովրդին՝ ցեղասպանությունների, այդ թվում՝ Հայոց ցեղասպանության ժխտողականությունը քրեականացնելու օրինագծի ընդունման համար՝ ընդգծելով, որ Հունաստանն առաջիններից մեկն է ճանաչել Հայոց ցեղասպանությունը:

Հունաստանի նախագահ Պապուլիասը գոհունակությամբ է խոսել հայ-հունական ռազմական գործակցության մասին: Նա բարձր է գնահատել նաեւ մշակույթի, կրթության, զբոսաշրջության, ապակենտրոնացված համագործակցության, միջխորհրդարանական կապերի ոլորտներում գործակցությունը: