Բրյուսելում քննարկվել են Եվրոպա-Արցախ համագործակցության հեռանկարները
Հոկտեմբերի 16-ին ԼՂՀ Ազգային ժողովի նախագահ Աշոտ Ղուլյանը Բրյուսելում հանդիպել է Եվրախորհրդարանի պատգամավորներ Ջոսու Խուարիստի Աբաունցի (Եվրոպական միացյալ ձախեր/Նորդ ձախ կանաչներ խմբակցություն) և Յոսեպ-Մարիա Տերիկաբրասի հետ (Եվրոպայի ազատ դաշինք/կանաչներ խմբակցության փոխնախագահ):
Այցի շրջանակներում քննարկվել են Արցախի քաղաքական և ընտրական համակարգի վերաբերյալ հարցեր, ղարաբաղյան կարգավորման թեման և Եվրոպա-Արցախ համագործակցության հեռանկարները:
Ինչպես հայտնում են ԼՂՀ ԱԺ մամուլի ծառայությունից, Ղուլյանը հանդիպել է նաեւ Եվրոպայում Հայ դատի հանձնախմբի և ՀՅԴ կառույցի հովանու տակ գործող մի շարք կազմակերպությունների ղեկավարների հետ։ Հանդիպմանն անդրադարձ է կատարվել Արցախի ներքին եւ արտաքին քաղաքականության հրատապ թեմաներին, Սփյուռքի կառույցների կողմից հայրենիքում իրականցավող ծրագրերին:
Մեկնաբանել