8167 բնակիչ ունեցող Ներքին Գետաշենում ընտրողների ակտիվություն չկա
Արփինե Մինասյան
Գեղարքունիքի մարզի Մարտունու տարածաշրջանի Ներքին Գետաշեն համայնքում մինչ այս պահը ընտրողների ցածր մակարդակ է նկատվում: Այս մասին «Հետքին» հայտնեց Ներքին Գետաշեն 24/2 ընտրատեղամասում «Իրավունքի Եվրոպա միավորում» հկ-ի դիտորդ Նելլի Մանուկյանը:
«Մենք առավոտյան ժամը 7-ին այստեղ ենք եղել, ամեն ինչ կատարվել է մեր աչքի առաջ: Ընտրատեղամասը ժամանակին բացվեց, 8:01-ին քվեարկեց առաջին ընտրողը: Երկու թեկնածուների վստահված անձինք ներկա են, քարոզչություն տեղի չի ունենում: Մասնակիցների պասիվություն է նկատվում, շատերը չեն գալիս ընտրության: Լինում է, որ 2 հոգով ուզում են քվեախցիկ մտնել, բայց հանձնաժողովը թույլ չի տալիս: Էական խախտումներ չենք նկատել»,- հայտնեց Նելլի Մանուկյանը:
Ներքին Գետաշենում` թիվ 24/1 ընտրատարածքում գրանցված 3 թեկնածուներից մեկը՝ գյուղապետարանում աշխատակազմի քարտուղար, ՀՀԿ-ական Ռուբեն Զուլոյանը, ինքնաբացարկ է հայտնել: Այժմ մրցակցում են 2 թեկնածուներ` համայնքի ղեկավար, ՀՀԿ-ական Կարո Գեւորգյանը եւ անկուսակցական Սպարտակ Գորանցյանը: Համայնքի ղեկավար Կարո Գեւորգյանը գյուղապետ է ընտրվել 2003թ-ին, վերընտրվել է 2006 եւ 2010թթ-ին: Գյուղն ունի 8167 բնակչություն:
Մեկնաբանել