Պատգամավորներն առաջարկում են հանել ուսման համար պարտադիր զինվորական ծառայության զորակոչից տարկետում ստանալու իրավունքը
Կառավարության այսօրվա նիստում պատգամավորներ Ռուբիկ Հակոբյանը և Թևան Պողոսյանը օրենսդրական նախաձեռնության կարգով ներկայացրած փաթեթով առաջարկվել է փոփոխություններ կատարել «Զինապարտության մասին» և «Բարձրագույն և հետբուհական մասնագիտական կրթության մասին» ՀՀ օրենքներում, մասնավորապես` հանել պարտադիր զինվորական ծառայության զորակոչից ուսումը շարունակելու համար տարկետում ստանալու իրավունքը:
Վարչապետ Հովիկ Աբրահամյանը նշել է, որ հարցն ունի հասարակական մեծ հնչեղություն, և սա այն հարցը չէ, որ երկու պատգամավորի առաջարկությունով դրական կարծիք տրվի: Ուստի, վերջնական եզրակացության համար անհրաժեշտ է համարել կազմակերպել քաղաքական ուժերի և քաղաքացիական հասարակության ներկայացուցիչների մասնակցությամբ լայն քննարկումներ, ինչը, նրա կարծիքով, թույլ կտա ընդունել կշռադատված և հանրորեն ընկալելի ու հիմնավորված որոշում:
Մեկնաբանել