Տեսանյութեր
Լուսանկարներ
Ֆոտոպատմություն Արցախի հերոս Շահեն Մեղրյանի ու «Եղնիկների» մասին
Հոկտեմբերի 24-ին ԼՂՀ նախագահ Բակո Սահակյանի հրամանագրով Շահումյանի ինքնապաշտպանական մարտերի ղեկավար, ազատամարտիկ, «Եղնիկներ» ջոկատի հիմնադիր Շահեն Զինավորի Մեղրյանը (1952-1993 թթ.) հետմահու պարգեւատրվեց Արցախի հերոսի կոչումով: Բ. Սահակյանը Մեղրյանի որդուն է հանձնել «Ոսկե արծիվ» շքանշանը: Մարտակերտի շրջանի Տոնաշեն գյուղում կանգնեցվել է Շահեն Մեղրյանի հուշարձանը: Քանդակագործը Հարություն Համբարձումյանն է, որը վերջերս է ավարտել ժամկետային զինծառայությունը: Հուշարձանի ճարտարապետը Սեւակ Ասրյանն է:
ԼՂՀ նախագահը հայրենիքի պաշտպանության համար մղված մարտերում ցուցաբերած արիության եւ խիզախության համար պարգեւատրել է նաեւ Շահումյանի ինքնապաշտպանության «Եղնիկներ» ջոկատի մի խումբ ազատամարտիկների:
ԼՂՀ «Արիության համար» մեդալով պարգեւատրվել են.
Հակոբ Ազատի Պողոսյանը,
Հակոբ Իսրայելի Խիդիրյանը:
ԼՂՀ «Մարտական ծառայություն» մեդալով պարգեւատրվել են.
Օլեգ Ռաֆիկի Բալայանը (հետմահու),
Կարո Մինասի Խաչատրյանը,
Սեյրան Յուրիկի Մակյանը (հետմահու),
Կոլյա Շահումյանի Պետրոսյանը,
Գերասիմ Նիկոլայի Մակյանը (հետմահու):
ԼՂՀ պաշտպանության նախարարի հրամանով «Եղնիկներ» զորամասի 2-րդ հրաձգային գումարտակը անվանակոչվել է Շահեն Մեղրյանի անունով:
Ներկայացնում ենք պետական պարգեւի արժանացած լուսանկարիչ Հակոբ Պողոսյանի ֆոտոպատմությունը Շահեն Մեղրյանի, «Եղնիկներ» ջոկատի ու Տոնաշենում կազմակերպված վերջին միջոցառման մասին:
[gallery id=194]
Հ. Պողոսյանի` Շ. Մեղրյանին ու «Եղնիկներին» նվիրված այլ ֆոտոպատմություններ կարող եք դիտել հետեւյալ հղումներով.
Մեկնաբանել