Հացադուլ՝ զոհված օդաչուների մարմինները վերադարձնելու պահանջով
Դավիթ Սանասարյանը ԵԱՀԿ երևանյան գրասենյակի դիմաց որպես բողոքի ակցիա հացադուլ է սկսել՝ պահանջելով վերադարձնել ղարաբաղաադրբեջանական սահմանում նոյեմբերի 12-ին ադրբեջանական ԶՈւ-ի կողմից խոցված հայկական ուղղաթիռի զոհված օդաչուների մարմինները:
«Հացադուլս սկսել եմ այսօր՝ ժամը 13:45 րոպեից. հենց այդ ժամին է Ադրբեջանի կողմից խփվել ուղղաթիռը»,- «Հետքի» հետ զրույցում ասած Դավիթը:
Սանասարյանը բողոքի իր այս ակցիան անցկացնում է ԵԱՀԿ երևանյան գրասենյակի շենքի դիմաց, քանի որ կարծում է, որ հենց ԵԱՀԿ Մինսկի խումբն է պարտավոր երկու կողմերի հետ շատ արագ բանակցություններ վարել և միջավայր ստեղծել հարցի լուծման համար: Կարմիր խաչը նույնպես որոշակի իրավասություններ ունի նման հարցերը կարգավորելու գործում, սակայն այս դեպքը, ըստ Դավիթ Սանասարյանի, քաղաքական հատկանիշներ ունի, և հենց Մինսկի խումբն է պարտավոր լուծում տալ:
Հացադուլ հայտարարած քաղաքացին միջազգային հանրությանը կոչ է անում լինել ավելի ադեկվատ, հասկանալ որ իրենց լռությունը, ձգձգումը, բալանսի խախտումը կարող է հանգեցնել տարածաշրջանում պատերազմի:
Մեկնաբանություններ (4)
Մեկնաբանել