Չորեքշաբթի, 26 սեպտեմբերի

Գլխավոր հյուպատոսը կկառուցի «Հին Երևանը»



«Հին Երևան» նախագծի կառուցման համար ներդրում է անելու Ֆրանսիայիում Հայաստանի գլխավոր հյուպատոս Վարդան Սիրմաքեշը (նստավայրը՝ Մարսել):

Երեկ քաղաքաշինության նախարար Նարեկ Սարգսյանը և «Մուլտիկոնտինենտալ Դիստրիբյուշն» ՍՊԸ-ի ներկայացուցիչ Գևորգ Մաչանյանը ստորագրել են «Հին Երևան» կառուցապատման ներդրումային ծրագրի վերաբերյալ համաձայնագիրը:

Ինչպես տեղեկացնում է քաղաքաշինության նախարարությունը, Գևորգ Մաչանյանը ներկայացրել է շվեյցարաբնակ ներդրող Վարտան Սիրմակեսին (Վարդան Սիրմաքեշ): 

«Մուլտիկոնտինենտալ Դիստրիբյուշն» ՍՊԸ-ն գրանցված է Լոնդոնում: Մեծ Բրիտանիայի ընկերությունների գրանցման ռեգիստրից մեր ձեռք բերած փաստաթղթի համաձայն՝ դրա 100 % բաժնեմասի սեփականատերը Chrono Star International Participations Groupe Franck Muller S.A.-n է: Այս ընկերությունը հանրահայտ ժամացույցների՝ Franck Muller բրենդի խմբից է, որի հիմնադիր-սեփականատերը Վարտան Սիրմաքեսն է: Նա նաև «Արցախբանկի» խոշոր և «Արմսվիսբանկի» միակ բաժնետերն է: 

Կառուցապատումն իրականացնելու է նորաստեղծ «Օլդ Սիթի» ՓԲԸ-ն: Նախագիծն ի սկզբանե իրականացնելու էին «Գլենդել հիլզ» և «Ի Էմ Սի» ընկերությունները, սակայն կառավարության նոյեմբերի 6-ին կայացրած որոշմամբ «Գլենդել Հիլզ» և «Ի ԷՄ ՍԻ» ՓԲԸ-ներին առաջարկվել է հողամասերն օտարել նույն բաժնետերն ունեցող «Օլդ Սիթի» ընկերությանը: «Օլդ Սիթի» ընկերության բաժնետոմսերի 100 %-ի սեփականատերը Վահե-Վասկեն Յաքուբյանն է: 

Այդ հողամասերն ընդգրկում են Երևանի Գլխավոր պողոտայի՝ Աբովյան, Բուզանդ, Կողբացու և Արամի փողոցներով պարփակված և Կոնդ թաղամասում գերակա հանրային շահ ճանաչված տարածքները՝ ավելի քան 100 հասցե: 

Կառավարության նույն որոշմամբ՝ քաղաքաշինության նախարարությունը պետք է ապահովի Երևան քաղաքի Գլխավոր պողոտայի՝ Աբովյան, Փավստոս Բուզանդի, Եզնիկ Կողբացու և Արամի փողոցներով պարփակված տարածքներում «Հին Երևան» համալիրի կառուցապատման նախագծի մշակումը՝ նախատեսելով ստորգետնյա երկու և վերգետնյա առավելագույնը երեք լրիվ և մեկ մանսարդային հարկերով սակավահարկ կառուցապատում, ինչպես նաև նախատեսելով «Հին Երևան» համալիրի կազմից դուրս միջին հարկայնությամբ հյուրանոցի կառուցում:

Վարչապետ Հովիկ Աբրահամյանը կառավարության նիստում այս ծրագրի իրականացման համար 120-130 մլն դոլարի ներդրման հնարավորության մասին է խոսել: 

Քաղաքաշինության նախարարի մամուլի քարտուղար Անահիտ Եսայանը «Հետքի» հետ զրույցում նշեց, որ այս գումարի շրջանակներում պետք է իրականացվի և՛ կառուցապատումը, և՛ իրացումը: 


Գլխավոր էջ



Մեկնաբանություններ (3)
1. raf23:59 - 5 դեկտեմբերի, 2014
I know that he has done a lot in Artsakh, I just hope that the crooks in Yerevan will not turn this project into a milking cow and do with this guy what they did with so many other diaspora investors.
2. Vladimir19:41 - 17 մայիսի, 2015
It was planned initially to finish the project by the end of march 2015 and present it to the public. However there is nothing in may 2015.
3. Arthur01:21 - 21 դեկտեմբերի, 2015
Same words I would like to say and add ,to Armenian Government: PLEASE IF U R DOING NOTHING FOR OUR OWN PEOPLE,LET DO IT TO PEOPLE LIKE VARDAN . HE DID A LOT IN Artsakh as many others ,Tashir group as well.... Thanks God we have such people.
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ