HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Շավարշ Քոչարյանը՝ Վրաստան ՀՀ քաղաքացիների մուտքի ու ելքի մասին. «Բանակցություններ են ընթանում»

«Ներկայումս բանակցություններ են ընթանում՝ Վրաստանում ուժի մեջ մտած «Արտասահմանցիների և քաղաքացիություն չունեցող անձանց իրավական կարգավիճակի մասին» օրենքի և ՀՀ քաղաքացիների համար առաջացած խնդիրներին լուծումներ տալու շուրջ»,- «Հետքի» գրավոր հարցմանը պատասխանել է ՀՀ արտաքին գործերի նախարարի տեղակալ Շավարշ Քոչարյանը:  

Նա նաև նշել է, որ դրանց մասին կտրվի հավելյալ տեղեկատվություն:

Հիշեցնենք, որ Վրաստանի սահմանապահները դեկտեմբերի մեկից սկսել են կիրառել ԵՄ հետ Ասոցացման համաձայնագրից բխող «Արտասահմանցիների և քաղաքացիություն չունեցող անձանց իրավական կարգավիճակի մասին» օրենքը: Նրանք տուգանքներ են կիրառում ՀՀ քաղաքացիների նկատմամբ և արգելում նրանց մուտքը Վրաստանի տարածք առաջիկա 3 ամսվա ընթացքում, եթե նրանց 90-օրյա ժամկետը, 180 օրվա ընթացքում, լրացել է: Մինչդեռ Վրաստանի արդարադատության նախարար Թեա Ծուլուկիանին հայտարարել էր, որ օտարերկրացիներին կտրվի լրացուցիչ ժամանակ վիզայի և կացության հարցերը կարգավորելու համար մինչև 2015թ. մարտի 1-ը:

Շավարշ Քոչարյանը, սակայն, չի պատասխանել մեր այն հարցին, թե մարտի 1 նշված ժամկետը կիրառելի՞ է ՀՀ քաղաքացիների նկամամբ, թե ոչ:

Նա նաև «բաց է թողել» մեր մյուս հարցադրումը՝ արդյոք Հայաստանի և Վրաստանի կառավարությունների միջև կա՞ն լրացուցիչ պայմանավորվածություններ՝ կապված Վրաստան ՀՀ քաղաքացիների մուտքի և ելքի ժամկետների հետ:

Փոխարտգործնախարարին նաև հարցրել էինք, թե արդյոք ՀՀ ԱԳՆ-ն բանակցել է Վրաստանի կառավարության հետ ՀՀ այն քաղաքացիների վերաբերյալ, որոնք բնակվում են Ջավախքում՝ նրանց կացության կարգավիճակը հեշտացված եղանակով տրամադրելու հարցով: Այս հարցը Շավարշ Քոչարյանը նույնպես անպատասխան է թողել: 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter