HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տաթև Խաչատրյան

Էջմիածնում թանկացումների պատճառով խանութներ են փակվել

Մի գիշերվա մեջ դրամն արժեզրվեց ևս 25 դրամով՝ դառնալով 550։ Էջմիածնում խանութի տերերի մոտ խուճապ է առաջացել․ ապրանքները թանկանում են և իրենք չգիտեն՝ ինչ գնային քաղաքականություն վարել։ Երեկ հացն արժեր 200, այսօր այն արդեն 250 դրամ է։

Մինչ այդ 20-50 դրամով թանկացել էր կաթնամթերքը, ինչպես նաև պարենային այլ ապրանքատեսակներ։ Այդ պատճառով Էջմիածնում մի շարք մթերային խանութներ այսօր փակ էին: Փակ են քաղաքի մասշտաբով խոշոր համարվող 4 խանութ Մաշտոց փողոցի վրա։

Մարդիկ էլ չգիտեին՝ որտեղից հիմա գնումներ կատարեն, քանի որ եղած խանութներում էլ գները բարձր են: «Երեկ նուշը էստեղ 7200 դրամ արժեր, էսօր արդեն՝ 9000 դրամ են սարքել»,- ասում է գնորդներից մեկը։ Խանութներ կան` ապրանքը չեն վաճառում` Նոր տարվան վաճառելու համար:

Խանութպաների խուճապը հասկանալի է, պարզաբանումը մեկն է ու նույնը՝ դրամն  արժեզրկվում է, և իրենք չգիտեն, թե այսօր իրենց կողմից գնվող ապրանքները վաղն ինչ կարժենան: «Հիմա ես ինչ իմանամ` վաղը մյուս օրը էդ ֆիրման չի՞ բերի 500 դրամանոց ապրանքն ու ասի՝ էսօրվանից արդեն 1000-ով եմ տալիս»,- ասում է խանութպաններից մեկը։ 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter