HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Երանուհի Սողոյան

Գյումրու քաղաքապետ. «Մեր պահանջն այն է, որ հանցագործը մնա հանրապետությունում, քննությունն իրականացնեն հայ իրավապահները»

Ավետիսյանների ընտանիքի հետ տեղի ունեցած ողբերգական դեպքի եւ դրան հետեւած բողոքի ալիքի բարձրացման օրերին Գյումրիից բացակայում էր քաղաքապետ Սամվել Բալասանյանը:

«Պաշտոնական այցով հունվարի 9-ից գտնվում էի ԱՄՆ-ում՝ Գլենդելի քաղաքապետի հրավերով: Բացի այդ, նախատեսված էին նաեւ այլ պաշտոնական հանդիպումներ, որոնց նպատակը Գյումրի զարգացման ծրագրեր բերելն էր: Իսկ ինչ մնում է լրատվամիջոցներով տարածած լուրերին, թե արձակուրդ եմ վերցրել ու գնացել Դուբայ, ասեմ, որ ճշմարտությունն այն է, որ, իրոք, ես գտնվում եմ արձակուրդում եւ դա արվել է, որպեսզի պաշտանական այցի անվան տակ համայնքային բյուջեից մեկ լումա հանկարծ չծախսվի: Տոմսի գումարը եւս վճարվել է իմ գրպանից: Քանի որ ամռան ամիսներին սովորաբար աշխատանքային ծանրաբեռնվածության պատճառով չեմ կարողանում ինձ հասանելիք արձակուրդը վերցնել, դա թողնում եմ հունվար ամսին»,-հայտնեց Սամվել Բալասանյանը:

Գյումրիում ծավալվող իրադարձությունները Սամվել Բալասանյանին ստիպել են անավարտ թողնել այցն ու 27 ժամվա ընթացքում վերադառնալ Գյումրի: Հունվարի 15-ին, ժամը 23-ի սահմաններում նա արդեն քաղաքում էր եւ հասցրել էր լինել դատախազության շենքի մոտ, իսկ հետո այցելել Գյումրու բժշկական կենտրոն, որտեղ տեղափոխվել էին բախման հետեւանքով վիրավորված 14 ոստիկան ու 10 ակտիվիստ:

Սամվել Բալասանյանի վստահեցմամբ` ինքը մշտապես իր համաքաղաքացիների կողքին է: Բողոքի ինքնաբուխ հավաքներին դեմ չէ, միայն թե դրանք չվերածվեն բախումների: «Պետք է փառք տանք աստծուն, որ զոհեր չունեցանք»,-նկատեց քաղաքապետը: Գյումրիում կատարվածի կապակցությամբ սգո օր հայտարարելու վերաբերյալ լրագրողի հարցին ի պատասխան` քաղաքապետը նկատեց, որ իրենք այդ իրավասությունը չունեն: «Մերոնք նայել են, ճշտել ենք, որ անգամ ավագանու որոշումով դա չէինք կարող անել, եւ որ դրա իրավասությունը մենք չունենք, դա պետք է լինի պետական մակարդակով»,-նշեց քաղաքապետը;

Սամվել Բալասանյանը ռուսական 102-րդ ռազմաբազայի տեղափոխման անհրաժեշտություն չի տեսնում: «Պետք չէ դեպքը դիտարկել հայ-ռուսական հարաբերությունների հարթության վրա: Իսկ եթե սպանություն կատարողը ազգությամբ վրացի լիներ կամ այլ ազգի,- լրագրողի հարցին հարցով պատասխանեց քաղաքապետը,- կարծում եմ` պետք է հարցը դիտարկել հանցագործության տեսանկյունից: Մեր պահանջն այս պահին այն է, որ հանցագործը մնա հանրապետությունում, քննությունն իրականացնեն հայ իրավապահները, եւ որ պատիժը հանցագործը կրի մինչեւ վերջ: Եվ այդ բոլոր պրոցեսները լինեն թափանցիկ»:

 

Մեկնաբանություններ (2)

ВАЖНО!
В ГЕОПОЛИТИКЕ НЕ СУЩЕСТВУЕТ МОРАЛЬНОСТЬ! Нельзя исключить любую версию. С азербайджаном фактическая война. И сколько раз они восклицали - если эти русские не были бы там! Не давно же ВВП решил дружить с тюрками (и с азерами естественно). Наверняка они и просили уступить Армению, и цену договорились? Что удивительное, Россию ведь спасать надо, где там Армения! Для этого же нужно вывести базу и аннулировать 50 летный гарантирующий контракт, что просто так не сделаешь без весомой мотивации. Лучше будет что это иницировали бы самы Армяне!
Հ.Շ.
Բացի եթէ պարզապէս ալքոլային գժութեան եւ մտային հիւանդութեան վերաբերող ահաւոր ողբերգութիւն մըն է պատահածը, հաճեցէք նկատի ունենալ թէ մարդասպանը ծառայում էր թրքական սահմանի վրայ, եւ գործած ջարդից յետոյ ան ջանաց փախչիլ Թուրքիա, սակայն բռնուեցաւ ռուսերի կողմէ: Տեսնելով թէ ինչպէս դէպքը պատճառ դարձաւ որ սաստկանայ կարգ մը հայերի հակառուս դիրքորոշումը, հաւանական է թէ այս ամէնը թրքական դաւադրութիւն է, որ կը միտի խախտելու հայ-ռուսական յարաբերութիւնները, ճիշտ այն պահին երբ, յատկապէս եւ ի միջի այլոց Ուքրանիոյ խնդրով, տեղի կ'ունենայ Թուրքիով եւ Ռուսիոյ միջեւ նշանակալից մերձեցում: Ափսոս, պահի - հասկանալի - զգացողականութեամբ տարուած, եւ նաեւ կարգ մը քաղաքական գործակալների (դիտումնաւոր կամ անպատասխանատու) հրահրումով, կարգ մը հայեր կ'իյնան այս ծուղակը: --- Հայդուկ Շամլեան, Գանատա

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter