Չորեքշաբթի, 26 սեպտեմբերի

Պարտքերի տակ կքած «Արմավիան» Հայաստանի 11-րդ հարկատուն է, կամ Բաղդասարովի պլանը տապալվու՞մ է



Միխայիլ Բաղդասարովի «Արմավիա» ընկերությունը, որն անցյալ տարվա հոկտեմբերին դատարանի որոշմամբ սնանկ ճանաչվեց, պարզվում է՝ նույն 2014 թ.-ին ՀՀ 11-րդ հարկատուն է եղել: Ընկերության վճարած ընդհանուր հարկերը կազմել են մոտ 7,2 մլրդ դրամ: 

Ահա ֆինանսների նախարարության անցյալ տարվա 1000 խոշոր հարկատուների ցուցակի առաջին 20-յակը՝ վճարած հարկերի չափով:

Հիշեցնենք, որ «Արմավիա-Ավիաընկերություն» ՍՊԸ-ի փայատերերից մեկը՝ «Միկա Լիմիթեդ» ընկերությունը, 2014-ի սեպտեմբերին դիմել էր Մալաթիա-Սեբաստիա վարչական շրջանի ընդհանուր իրավասության դատարան՝ խնդրելով սնանկ ճանաչել ՍՊԸ-ին: Հատկանշական մի փաստ. «Միկա Լիմիթեդ» անունով հայաստանյան ընկերություն չկա, այն գրանցված է Միացյալ Թագավորության Ջերսի կղզում, որն օֆշորային գոտի է, սակայն datalex.am կայքում «Միկա Լիմիթեդ»-ի հասցեն նշված է Երեւան, Բելյակովի 5, որտեղ գտնվում են «Միկա Քորփորեյշն» եւ «Ավիաֆին» ընկերությունները:

«Արմավիայի» փայատերերը

Օֆշորային ընկերությունը դատարանում նշել էր, որ ավիաընկերությունն իրեն 38.378.000 դոլարի պարտք ունի, որի մարման վերջնաժամկետը 2014-ի ապրիլի 30-ն էր: Պարտապանը չի վիճարկել իր դեմ ներկայացված հայցադիմումը: Դատավոր Լիլիթ Կատվալյանը հոկտեմբերի 6-ին սնանկ է ճանաչել ավիաընկերությանը: Նշանակվել է սնանկության գործով կառավարիչ: Սնանկ ճանաչվածի հանդեպ սկսել են պահանջ ներկայացնել պարտատերերը: Ավիաընկերության գույքի վրա արգելանք է դրված:

Նախնական ցուցակով պարտատերերի թիվը 153 է: Հաստատվել է 8 հերթ, այսինքն՝ ավիաընկերությունը նշված հերթականությամբ պետք է մարի պարտքերը: Առաջին հերթում են «Յունիբանկ» ՓԲԸ-ն (պարտքը՝ 6.666.310 ԱՄՆ դոլար), «Զարգացման Հայկական Բանկ» ԲԲԸ-ն (680.258.591 դրամ), «Ամերիաբանկ» ՓԲԸ-ն (1.250.244 դոլար), «Հայբիզնեսբանկ» ՓԲԸ-ն (10.427.224 դոլար եւ 17.835 եվրո), որոնց գումարները ապահովված են եղել երաշխավորությամբ կամ գրավով: Պարտատերերի թվում են նաեւ «Ղ-Տելեկոմ»-ը, «Կարկոմավտո»-ն, «Հայաէրոնավիգացիա»-ն, ՀՀ ֆիննախը, «Հայաստանի էլեկտրական ցանցեր»-ը, ««Արմենիա» Միջազգային Օդանավակայաններ»-ը, «Աէռոֆլոտ-Ռուսական Ավիաուղիներ»-ը, «Ուրալական Ավիաուղիներ»-ը, «Դոմոդեդովո օդանավակայանի առեւտրային գործակալություն»-ը եւ այլն:

Հատկանշական է, որ սնանկության հայց ներկայացրած «Միկա Լիմիթեդ»-ն ընդգրկվել է վերջին՝ 8-րդ հերթում: Իսկ Բաղդասարովի հիմնած այլ ընկերություն՝ «Միկա Քորփորեյշն»-ը՝ 7-րդ հերթում: Վերջինիս ավիաընկերությունը ավելի քան 28 մլն դրամի եւ 792.014 դոլարի պարտք ունի: Ըստ datalex.am-ի՝ առարկություն է ներկայացվել դատարան, որի պատճառն ու ներկայացնողը չեն նշվում, սակայն, ըստ էության, այն կապված է հերթի հետ:

Երբ Միխայիլ Բաղդասարովի մի ընկերությունը մյուսին որոշեց դատարանում սնանկ ճանաչել, մամուլն արձագանքեց, որ սա, ըստ էության, փողը մի գրպանից մյուսը դնելու միջոց է, ու գործարարն ուղղակի բիզնեսը հանում է Հայաստանից: Փաստորեն, եթե «Միկա Լիմիթեդ»-ը մնա վերջին հերթում, ապա «Արմավիայի» ունեցվածքը դժվար թե բավականացնի 153-րդ տեղում հայտնված օֆշորային ընկերության պարտքը փակելու համար: Այսինքն՝ Բաղդասարովի ենթադրյալ մտահղացումը կտապալվի:

Հ.Գ. «Արմավիայի» պատմությանն ու տխուր ճակատագրին մենք առաջիկայում դեռ կանդրադառնանք:


Գլխավոր էջ



Մեկնաբանություններ (6)
1. Varouj07:47 - 4 փետրվարի, 2015
What a joke $15,000 in taxes makes you the 11th largest taxpayer in Armenia? Here in the US the average worker pays $15,000 a year!
2. Հայկազ09:51 - 4 փետրվարի, 2015
ղարբաղի սարերից եկած ու մեր ջանին ընկած գելերից մեկն էլ էտ ա է, հարուրավոր մարդու ծովը լցրին խեղտեցին իրենց նավթի եկոնոմիայի համար
3. zohrab11:29 - 4 փետրվարի, 2015
Trur its s small tax
4. Մեկը16:32 - 4 փետրվարի, 2015
Varouj, Թվերը ներկայացված են հազար դրամներով, այսինքն՝ ոչ թե 15 հազար, այլ 15 միլիոն դոլար:
5. raf19:06 - 1 մարտի, 2015
Armavia was a perfect example of how oligarchs do business in Armenia. People who don't know anything about business and management have turned billionaires over night and hold monopolies in different markets. I am so glad that they are finally out and I hope he will take his businesses out of Armenia, even if that means millions of dollars leaving the country. These people are like cancer, as soon as they touch a business sector they will completely destroy it. In a small county like Armenia, he was trying to create a large carrier something similar to AF or Delta!! He kept leasing planes and launching new flights without any real plans. I remember when he launched new flights to destinations like Slovakia and Bahrain!!! And that is in case it was difficult for people in neighboring Iran to find Tehran-Yerevan tickets!! Instead of trying to become one of the bigger guys, you need to learn how to survive in the aviation market by changing the rules of the game.
6. kevin 11:52 - 2 մարտի, 2015
Anyone knows who is the creditor for Armavia B737s?
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ