Ուկրաինայի կենտրնական բանկը գրեթե ամեն ինչ փորձեց իրավիճակը շտկելու համար` կապիտալի շարժի սահմանափակումներ, կասեցրեց արտարժույթի ներբանկային շուկայի բոլոր գործարքները, այնուհետև միջամտություններ անելով նորից թույլ տվեց, վերսկսել գործարքները: Այս գործողությունները տվեցին արդյունք, գրիվնիի արժեքը բարձրացավ՝  33,5 գրիվնի՝ 1 դոլարի դիմաց, հասնելով 27,2  գրվնի՝ 1 դոլարի դիմաց, սակայն այս ցուցանիշը շատ կարճ կյանք ուներ: 

Պրոֆեսոր Հանկին  բացատրում է. «Գների աճի իրական պատկերը հասկանալու համար, այս պարագայում վստահորեն կարելի է հիմնվել փոխարժեքի վրա: Այսպիսով, ինչքան արժույթը թուլանում է, այնքան ավելանում են ներկրվող ապրանքների գները, որը հետո անդրադառնում է բոլոր ոլորտների վրա: Հաշվի առնելով այն փաստը, որ Ուկրաինան մեծ քանակությամբ ապրանքներ է ներմուծում, այս մոտեցումը շատ ակտուալ է: Այսպիսով, Ուկրաինայում ինֆլյացիայի չափը ամսական  հասնում է 65 %- ի, այսինքն՝ տարեկան ինֆլյացիան կհասնի աներևակայելի ցուցանիշի, որը հատուկ է հենց հիպերինֆլյացիային: 

Պրոֆեսորի տվյալների համաձայն՝ Ուկրաինայի տնտեսության մակարդակը ցածր է նույնիսկ 1991 թվականի համեմատ: 

«Վաշինգտոն Փոստ». «Կուսակցական բոսերին ուղղակի փոխարինել են օլիգարխները, սակայն կոռուպցիան ու անարդյունավետությունը մնացել են նույնը, Արժույթի միջազգային հիմնադրամի տվյալների համաձայն՝ ստվերային տնտեսությունը Ուկրաինայում կազմում է ՀՆԱ- ի 50%-ը, և հիմա պատերազմի հետևանքով Ուկրաինան կորցնոմ է այն չնչինը, ինչ մնացել էր»: 

Բացի դրանից, Ուկրաինայի հարավը պատերազմի պատճառով զրկվել է արդյունաբերության 50 %- ից և ստիպված է ծախսել պահուստային ֆոնդից: Իսկ պահուստային ֆոնդը 6,42 միլիարդ դոլարի է հասել, որը կբավականացնի առավելագույնը մեկ ամսվա ներկրման համար: Այս դեպքում Ուկրաինան անում է այն քայլը, որն անում են նման վիճակում գտնվող բոլոր երկրները՝ դիմում է Արժույթի միջազգային հիմնադրամին: Հիմնադրամը, կարծես թե, պատրաստ է Ուկրաինային հատկացնել 17,5 միլիարդ դոլար բարեփոխումներ իրականացնելու պայմանով: Սակայն այս գումարը հազիվ թե կարողանա փրկել Ուկրաինային դեֆոլտից, կամ ավելի մեղմ ասած՝ վերակազմավորման հնարավորություն տալ:

«Ուկրաինան չի կարող ունենալ նորմալ տնտեսություն, մինչեւ չի կանգնեցրել ազգային արժույթի ազատ անկումը»,- հայտարարել է Սթիվ Հանկին:

Պատրաստեց՝ Տիգրան Բաղդասարյանը