«Արցախբանկ» ՓԲԸ նոր բաժնետեր «Հայաստանի բիզնեսի հիմնադրամ» ՓԲԸ-ն համալրել է բանկի կանոնադրական կապիտալը 4,5 մլրդ դրամով, այսպիսով՝ հասցնելով այն 11,061,150,000 ՀՀ դրամի: Այս մասին հայտնում են բանկի մարկետինգային բաժնից:          

Ավելացված կապիտալը հիմնականում կուղղվի «Արցախբանկի» հեռանկարային զարգացման ծրագրի իրականացմանը: Այն ենթադրում է հաճախորդների սպասարկման մակարդակի բարելավում, ունիվերսալ, մասնավորապես պլաստիկ քարտերով բանկային ծառայությունների խթանում և միկրոֆինանսավորման ծրագրերի միջոցով առավել դիվերսիֆիկացված վարկավորում: